शिंबिभ्यो माषमुद्गानां जायन्ते कृमयस्तथा
मुद्गेभ्यः पनसेभ्यश्च तण्डुलेभ्यस्तथैव च
अन्येभ्यो ऽपि च जायन्ते न हि तेभ्यश्चिरं सदा
बहून्यहानि निक्षिप्ते संभवन्ति च गोमये
संस्वेदजाश्च जायन्ते वृश्चिकाः शुष्कगोमयात्
मत्स्याद्यिश्च विविधा अन्नकूटे विशेषतः
तथन्यानि च सक्ष्माणि जलौकादीनि जातयः
माक्षिकाणां विकाराणि जायन्ते जातयो ऽपरे
मशकानां विकाराणि भ्रमराणां तथैव च
मणिच्छेदाः स्मृता व्यालाः पोतजाः परिकीर्त्तिताः
एवमादिरसंख्यातो गणः संस्वेदजो मया
ये चान्ये नैरृताः सत्त्वास्ते स्मृता उपसर्गजाः
प्रायेण देवाः सर्वे वै विज्ञेया ह्युपपत्तिजाः
दुल्लोलकं ललोहं च सरमा द्वौ व्यजायत
श्यामाश्च शबलाश्चैव लोहिता अञ्जनास्तथा
सर्पाणां सुरसा जज्ञे शन्त नैकशिरोभृताम्
तमोबहुल इत्येष गणः क्रोधवशान्वयः
षट् कन्यास्त्वभिविख्यातास्ता म्रायाश्च विजज्ञिरे
अरुणस्य च गृद्री तु वीर्यवन्तौ महाबलौ
संपातेर्विजयाः पुत्रा द्विरास्याः प्रसहश्च ये
भार्या गरुत्मतश्चैव भासी क्रैञ्ची तथा शुकी
शुकीगरुत्मतः पुत्रान्सुषुवे षट् परिश्रुतान्
तेषां पुत्राश्च पौत्राश्च गरुडानां महात्मनाम्
पुत्रपौत्रविसर्गाच्च तेषां वै वंशविस्तरैः
शाल्मलिद्वीपमखिलं देवकूटं च पर्वतम्
पर्णमालं सुकेशं च शतशृङ्गं तथाचलम्
प्रचण्डवायुप्रजवैर्दीपितैः पद्मरागिभिः
भासीपुत्राः स्मृता भासा उलूकाः काककुक्कुटाः
क्रैञ्चा वाध्रीणसाः श्येनाः कुरराः सारसा बकाः
धृतराष्ट्री तु हंसाश्च कलहंसांश्च भामिनी