तेन मार्त्तण्ड इति वै कथ्यते सविता बुधैः
ये ते अण्डकपाले द्वे तद्बलं परमं मतम्
उदरे प्रवेशयामास तस्याः स जननेच्छया
देवोपवाह्या राजानो हस्तिनो बलवत्तराः
उत्तरत्र च वो भूयस्तेषां वक्ष्यामि विस्तरम्
भगवान्सविता साक्षात्प्रभासयति रश्मिभिः
बाह्यं तमोवृतं सर्वं तत्प्रमाणमशेषतः
श्रुतं भगवतो व्यासात्पाराशर्यान्महात्मनः
विमृश्य बहुधा तत्तु पुनरन्यैः पृथक्पृथक्
अभयो विचरत्येव जात्यन्तरशतं गतः
कथ्यते वा कथा यस्य न तं विद्धि समानकम्
ऋक्षस्य भगिनी रक्षा वानरस्य बलीयसः
ऋक्षराजं महाप्राज्ञं जांबवन्तं यशस्विनम्
वासुदेवस्य सा दत्ता पित्रा राजीवलोचना
जयन्तो ऽथ च सर्वज्ञो मृगराट् संकृतिर्जयः
भोजो राक्षसजिच्चैव पिशाचवनगोचरौ
तेषां पुत्राश्च पौत्राश्च शतशो ऽथ सहस्रशः
मार्जारस्य तु मार्जारा वाद्याः पुत्रा महाबलाः
आचार्याः श्वापदादीनां शरभाणां महौजसः
लाघवे प्लवने युक्ताः सर्वसत्त्वावसादकाः
गृहेषु गृहगर्भेषु गृहवासावलंबिनः
तथा वनचराश्चैव स्वभावात्समवस्थिताः
नीलजीमूतवर्णाश्च कपिला केकरारुणाः
नखदंष्ट्रायुधा घोरा मयूरसमभाषणाः
श्यामश्च शबलश्चैव यमस्यानुचरौ स्मृतौ
श्रुतिमाप्तः पुनर्वंशः सारमेयेषु सर्वदा
विषादयन्ति च नरान्सर्वजातिसमन्वितान्
य इदं शृणुयाज्जन्म दंष्ट्रिणां श्रावयेत्तु यः
तात्कालमरणं चैव भवतीति विनिर्णयः
वानप्रस्था श्रितं धर्ममाप्नोति मुनिसेवितम्