मौहूर्तिकीं गतिं गत्वा चतुः परशर्वानुपस्पृशन्
मनोवायुगतिर्भूत्वा वाली व्यपगतक्रमः
वाली बाहुविनिर्मुक्तं विह्वलं नष्टचेतसम्
सिच्यांभसा सुशीतेन ह्यापादतलमस्तकात्
उवाच रणचण्डं तं राक्षसेंद्रं कपीश्वरः
असंख्येयं बलं जित्वा यमं ससचिवं रणे
मरुद्गणं तथा रुद्रानादित्यानश्विनौ वसून्
सिद्धांस्तथैव गन्धर्वान्यक्षरक्षोभुजङ्गमान्
तथा भूतपिशाचांश्च विवृद्धबलदर्पितान्
कथमीदृग्गुणो भूत्वा मनोवायुसमो जवे
विद्राव्य सर्वोंल्लोकेषु वीरान्परपुरञ्ज्यः
विक्षोभ्य सागरान्सप्त सप्तकृत्वो महारथः
दुर्बलेन मया क्रान्तो वानरेण विशेषतः
प्रब्रूहि हेतुना केन ब्रह्मन्राक्षसपुङ्गव
वयनं वालिनः श्रुत्वा दशग्रीवः प्रतापवान्
असंशयं जिताः सर्वे मया देवासुरा रणे
तदिच्छामि त्वया सार्द्धं सौहृदं भयवर्जितम्
एवमुक्तो ऽब्रवीद्वाली भवत्येतद्वचस्तव
जगाम लङ्कां सगणः प्रहृष्टेनान्तरात्मना
आजहार बहून्यज्ञानन्नपानसमावृतान्
अग्निष्टोमाश्वमेधांश्च राजसूयान्नृमेधकान्
तर्पयित्वाथ देवांश्च देवेन्द्रंबहुभिस्तथा
सुग्रीवेण सह भ्रात्रा सुखी भूत्वा यवीयसा
ब्रह्मण्यो ब्रह्मपरमो धर्मसेतुः क्रियापरः
यस्य देवमुनिर्गाथां जगौ यज्ञेषु नारदः
तुल्यो ऽस्ति त्रिषु लोकेषु वालिनोहेममालिनः
वाली यज्ञसहस्राणां यज्वा परमदुर्जयः
निरुक्तमस्य तु विभो याथातथ्येन सुव्रत
सृत्यमानेषु भूतेषु प्रजापतिरथ स्वयम्
प्रवेशायामास तदा योगेन महता वृताः