स्वेतं च विमलं चैव पुष्पदन्तं चयावहम्
कुमुदाक्षं सुकमलं वर्द्धमानं तथा हितम्
पूर्ममासं हिरण्याक्षं सारणं चैव मानसम्
सुरुपाश्च सुवेषाश्च स्रग्विणः प्रियदर्शनाः
खशायास्त्वपरे पुत्रा राक्षसाः कामरूपिणः
लालाविः क्रथनो भीमः सुमाली मधुरेव च
चन्द्रार्कभीकरो बुध्नः कपिलोमा प्रहासकः
त्रिशिराः शतदंष्ट्रश्च तुण्डकोशश्च राक्षसः
इत्येते राक्षसवारा विक्रान्ता गणरूपिमः
सप्त चान्या दुहितरस्ताः शृणुध्वं यथाक्रमम्
आलंबा उत्कचोत्कृष्टा निरृता कपिला शिवा
ताभ्यो लोकनिकायस्य हन्तारो युद्धदुर्मदाः
आलंबेयो गणः क्रूर औत्कचेयो गणस्तथा
तथैव नैरृतो नाम त्र्यंबकानुचरेण ह
विक्रान्ताः शौर्यसंपन्ना नैरृता देवराक्षसाः
तेषां गणशतानीका उद्धतानां महात्मनाम्
दैत्यराजेन कुम्भेन महाकाया महात्मना
कापिलेया महावीर्या उदीर्णा दैत्यराक्षसाः
उत्पादिता बलावता उदीर्णा यक्षराक्षसाः
आलंबेयेन जनिता नैकाः सुरसिकेन हि
चरन्ति पृथिवीं कृत्स्नां तत्र ते देवलौकिकाः
तस्यास्त्वपि च नीलाया विकचा नाम राक्षसी
विरूपकेन तस्यां वै नैरृतेन इह प्रजाः
दंष्ट्राकराला विकृता महाकर्णा महोदराः
रेरवाकाः पिशाचाश्च वाहकास्त्रासकाः परे
चरन्त्यदृष्टपूर्वास्तु नानाकारा ह्यनेकशः
लक्षमात्रेण चाकाशं स्वल्पात्स्वल्पं चरन्ति वै
भूमिराक्षसकैः सर्वैरनेकैः क्षुद्रराक्षसैः
समासाभिहिताश्चैवह्यष्टौ राक्षसमातरः
भद्रका निकराः केचिदज्ञनिष्पत्तिहेतुकाः