जगाम मैथुनं यक्षः पुत्रार्थं स तया सह
ततः संसिद्धकारणः सद्यो जातः सुतस्तु वै
राजाहमिति नाभिर्हि पितरं सो ऽभ्यवादयत्
मात्रानुरूपो रूपेम पितुर्वीर्येणजायते
स्वरूपं प्रतिपद्यन्ते गूहन्तो यक्षराक्षसाः
ततो ऽब्रवीत्सो ऽप्सरसं स्मयमानस्तु गुह्यकः
इत्युक्त्वा सहसा तत्र दृष्ट्वा स्वं रूपमास्थितम्
गच्छन्तीमन्वगच्छत्तां पुत्रस्तप्तां त्वयन्शिरा
तां च दृष्ट्वा समुत्पत्तिं यक्षस्याप्सरसां गणाः
जगाम सह पुत्रेण ततो यक्षः स्वमालयम्
तस्मिन्निवासो यक्षाणां न्यग्रोधे रोहिणे स्मृतः
अनुह्रादस्य दैत्यस्य भद्रां मणिवरां सुताम्
जज्ञे सा मणिभद्रं च शक्रतुल्यपराक्रममम्
नाम्ना पुण्यजनी चैव तथा देवजनी च या
सिद्धार्थं सूर्यतेजश्च सुमनं नन्दनं तथा
सर्वानुभूतं शङ्खं च पिङ्गाक्षं भीरुमेव च
मेघवर्णं सुभद्रं च प्रद्योतं च महाद्युतिम्
चत्वारो विंशतिश्चैव पुत्राः पुण्यजनीभवाः
तेषां पुत्राश्च पौत्राश्च यक्षाः पुण्यजनाः शुभाः
पूर्णभद्रं हैमवन्तं मणिमन्त्रविवर्द्धनौ
स्वेतं च विमलं चैव पुष्पदन्तं चयावहम्
कुमुदाक्षं सुकमलं वर्द्धमानं तथा हितम्
पूर्ममासं हिरण्याक्षं सारणं चैव मानसम्
सुरुपाश्च सुवेषाश्च स्रग्विणः प्रियदर्शनाः
खशायास्त्वपरे पुत्रा राक्षसाः कामरूपिणः
लालाविः क्रथनो भीमः सुमाली मधुरेव च
चन्द्रार्कभीकरो बुध्नः कपिलोमा प्रहासकः
त्रिशिराः शतदंष्ट्रश्च तुण्डकोशश्च राक्षसः
इत्येते राक्षसवारा विक्रान्ता गणरूपिमः
सप्त चान्या दुहितरस्ताः शृणुध्वं यथाक्रमम्