पितरावूचतुः कन्ये युवा मानयत द्रुतम्
ततस्तमभिसृत्यैनं कन्ये जगृहतुस्तदा
ताभ्यां कन्यागृहीतं तं पिशाचौ वीक्ष्य रक्षसम्
तस्य कर्माभिजाती च श्रुत्वा तौ रक्षसस्तदा
तौ तुष्टौ कर्मणा तस्य कन्ये ते ददतुस्तु वै
अजः शण्डः सुताभ्यां तु तदा श्रावयतां धनम्
ब्रह्म तस्यापराहार इति शण्डो ऽभ्यभाषत
जन्तुभाव धनादाना इत्यजौऽश्रावयद्धनम्
यातुधानप्रसूता सा कन्या चैव महारवा
ब्रह्मधानप्रसूता सा कन्या चैव महारवा
तयोः प्रजानिसर्गं च कथयिष्ये निबोधत
विद्युत्स्फूर्जश्च वातश्च आयो प्याघ्रस्तथैव च
माल्यवांश्च सुमाली च प्रहेतितनयौ शृणु
मधुः परो महोग्रस्तु लवणस्तस्य चात्मजः
उग्रस्य पुत्रौ विक्रान्तो वज्रहा नाम विश्रुतः
कूरश्च विकृतश्चैव रुधिरादस्तथैव च
वधपुत्रौ दुराचारौ विघ्नश्च शामनश्च ह
स्फूर्जक्षेत्रे निकुंभस्तु जातो वै ब्रह्मराक्षसः
व्याघ्र पुत्रो निरानन्दः क्रतूनां विघ्नकारकः
यातुधानाः परिक्रान्ता ब्रह्म धानान्निबोधत
श्वातोंऽबुकः केलिसर्पौं ब्रह्मधानात्मजा नव
रक्तकर्णी महाजिह्वा क्षमा चेष्टापहारिणी
इत्येते राक्षसाः क्रान्ता यक्षस्यविनिबोधत
तल्लिप्सुश्चिन्तयानः स देवोद्यानानि मार्गते
विशोकं सुमनं चैव नन्दनं च वनोत्तमम्
दृष्ट्वा तां नन्दने सो ऽथ अप्सरोभिः सहासिनीम्
दूषितः स्वेन रूपेण कर्मणा चैव दूषितः
तत्कथं नाम चार्वगीं प्राप्नुयामहमङ्गनाम्
कृत्वा रूपं वसुरुचेर्गन्धर्वस्य च गुह्यकः
बुद्ध्वा वसुरुचिं तं सा भावेनैवाभ्यावर्त्तत