यद्यद्विभूतिमत्सत्त्वं श्रीमदूर्जितमेव वा
स एव जायतेंऽशेन केचिदिच्छन्ति मानवाः
एषां न विद्यते भेदस्त्रयाणां द्युसदामिह
जायन्ते पोहयन्त्यं शैरीश्वरा योगमायया
भूतानुवादिना माद्या मध्यस्था भूतवादिनाम्
परीक्ष्य चानुगृह्णन्ति निगृह्णन्ति खलान्स्वयम्
तथाधिकरणैरतैर्यथा तत्त्वनिदर्शकाः
कर्म्मणां महतां ते हि कर्त्तारो जगदीश्वराः
बालिशास्ते न जानन्ति दैवतानि प्रभागशः
कुर्याद्योगबलं प्राप्य तैश्च सर्वैर्महांश्चरेत्
संहरेत पुनः सर्व्वान्सूर्य्यो ज्योतिर्गणानिव
सर्वे मन्त्रशरीरास्ते स्मृता मन्वन्तरेष्विह
चितिश्च सुचितिश्चैव ह्याकूतिः कूतिरेव च
दाराग्निहोत्रसंबन्धं वितत्य यजतेति च
ततस्ते नाभ्यनन्दन्त तद्वाक्यं परमेष्ठिनः
यमेष्वंवावन्तिष्ठन्ते दोषं दृष्ट्वा तु कर्मसु
जुगुप्संतः प्रसूतिं च निःसत्त्वा निर्ममाभवन्
अर्थं धर्मं च कामं च हित्वा ते वै व्यवस्थिताः
तेषां तु तमभिप्रायं ज्ञात्वा ब्रह्मा तु कोपितः
प्रजार्थमिह यूयं वै मया सृष्टाः स्थ नान्यथा
यस्माद्वाक्यमनादृत्य मम वैराग्यमास्थिताः
कर्मणां न कृतो ऽभ्यासो ह्यमृतत्वाभिकाङ्क्षया
ते शप्ता ब्रह्मणा देवा जयास्तं वै प्रसादयन्
प्रणतान्वै सानुनयं ब्रह्मा तानब्रवीत्पुनः
मयागतं तु सर्वं हि कथमच्छन्दतो मम
लोके यदपि किञ्चिद्वैशं वा शं वा व्यवस्थितम्
भूताना मीहितं यच्च यच्चाप्येषां विचिन्तितम्
मया बद्धमिदं सर्वं चजगत्स्थावरजङ्गमम्
यस्माद्वहति दृप्तो वै सर्वार्थमिह नान्यथा
एवं संभाष्य तान्देवान् जयानध्यात्मचेतसः