भुवनं चेश्वरं मृत्युं कपालीति च विशुतम्
तपसोग्रेण महाता सुरभिस्तानजीजनत्
रोहिणी चैव सुभगां गान्धवी च यशस्विनीम्
सुरूपा हंसकाली च भद्रा कामदुघा तथा
हंसकाली तु महिषान्भद्रायस्त्वविजातयः
उच्चैःश्रवादयो जाताः खेचरास्ते मनोजवाः
उक्ता देवोपवाह्यास्ते गान्धर्वियोनयो हयाः
स्रग्वी ककुद्मान्द्युतिमा नमृतालयसंभवः
इत्येते कश्यपसुता रुद्रादित्याः प्रकीर्त्तिताः
यथेन्धनवशाद्वह्निरेकस्तु बहुधा भवेत्
एको ब्रह्मान्तकश्चैव पुरुषश्चैति तत्र यः
ब्राह्मी च पौरुषी चैव कालाख्या चेति ताः स्मृताः
मता सा या तु कालाख्या प्रजाक्षयकरी तु सा
राजसी ब्रह्मणो या तु मारीचः कश्यपो ऽभवत्
तामसी चान्तकृद्या तु तदंशो विष्णुरुच्यते
मता सा या तु कालाख्या प्रजाक्षयकरी तु सा
एवमेताः स्मृतास्तिस्रस्तनवो हि स्वयंभुवः
एतास्तन्वः स्मृता देवा धर्मशास्त्रे पुरातने
अभिजातिप्रभावज्ञैर्मुनिभिस्तत्त्वदर्शिभिः
इदं परमिदं नेति ब्रुवते भिन्नदर्शिनः
केचिद्भवं परत्वेन प्राहुर्विष्णुं तथापरे
सत्त्वं कालं च देशं च कार्यं चावेक्ष्य कर्म च
एकं प्रशंसमानस्तु सर्वानेवप्रशसति
न प्रद्वेषस्ततः कार्यो देवतासु विजानता
एकत्वात्स त्रिधा भूत्वा संप्रमोहयति प्रजाः
जिज्ञासवः परीहन्ते सक्ता दुष्टा विचेतसः
यातुधाना विशेषा ये पिशाचाश्चैव नान्तरम्
गुणमात्रात्मिकाभिस्तु तनुभिर्मोहयन्प्रजाः
तस्माद्देवास्त्रयो ह्येते नैरन्तर्येणधिष्टताः
अल्पत्वं वा बहुत्वं वा तेषु को ज्ञातुमर्हति