धर्मपुत्राः सुरा एते विश्वायां जज्ञिरे शुभाः
मुहूर्ताश्च मुहूर्ताया घोषलंबा ह्यजायत
नव वीथ्यस्तु जामायाः पथत्रयमुपाश्रिताः
एष सर्गः समाख्यातो विद्वान्धर्मस्य शाश्वतः
नामतः संप्रवक्ष्यामि ब्रुवतो मे निबोधत
मुहुर्त्ताः सर्वनक्षत्रा अहोरात्रभिदस्तथा
रवेर्गति विशेषेण सर्वर्त्तुषु च नित्यशः
अविशेषेषु कालेषु ज्ञेयः सवितृमानतः
आप्यो ऽथ वैश्वदेवश्च ब्राह्मो मध्याह्नसंश्रितः
वारुणश्च यथार्यम्णो भगश्चापि दिनश्रिताः
शङ्कुच्छाया विशेषेण वेदितव्याः प्रमाणतः
आग्नेयश्चापि विज्ञेयः प्राजापत्यस्तथैव च
सावित्रश्च तथा त्वाष्ट्रो वायव्यश्चेति संग्रहः
इन्दोर्गत्युदया ज्ञेया नाडिका आदितस्तथा
सर्वग्रहाणां त्रीण्येव स्थानानि विहितानि च
स्थानं जारद्गवं सध्ये तथैरावतमुत्तरम्
अश्विनी कृत्तिका याम्यं नागवीथीति विश्रुता
पुष्याश्लेषे तथादित्यं वीथी चैरावती मता
पूर्वोत्तरे च फल्गुन्यौ मघा चैवार्षभी स्मृता
ज्येष्ठा विशाखानुराधा वीथी जारद्गवी मता
मूलं पूर्वोत्तराषाढे अजवीथ्याभिशब्दिते
वैश्वानरी भाद्रपदे रेवती चैव कीर्त्तिता
अष्टाविशति याः कन्या दक्षः सोमाय ता ददौ
तासामपत्यान्यभवन्दीप्तयो ऽमिततेजसः
चतुर्दशा महाभागाः सर्वास्ता लोकमातरः
सुरभिर्विनता ताम्रा मुनिः क्रोधवशा तथा
स्वायंभुवे ऽन्तरे तात ये द्वादश सुरोत्तमाः
उपस्थितेंऽतरे ह्यस्मिन्पुनर्वैवस्वतस्य ह
एतामेव महाभागामदितिं संप्रविश्य वै
गच्छेम पुत्रतामस्यास्तन्नः श्रेयो भविष्यति