तुषिता नाम ते ऽन्योन्यमूचुर्वै चाक्षुषेंऽतरे
एतामेव महाभागां वयं साध्यां प्रविश्य वै
एवमुक्त्वा तु ते सर्वे चाक्षुषस्यान्तरे मनोः
नरनारायणो तत्र जज्ञाते पुनरेव हि
स्वारोचिषेंऽतरे पूर्वमास्तां तौ तुषितासुतौ
मनो ऽनुमन्ता प्राणश्च नरो ऽपानश्च वीर्यवान्
विभुश्चापि प्रभुश्चापि साध्या द्वादश जज्ञिरे
नामान्यासन्पुनस्तानि तुषितानां निबोधत
चक्षुः श्रोत्रं रसो घ्राणं स्पर्शो बुद्धिर्मनस्तथा
वसोस्तु वसवः पुत्राः साध्यानामनुजाः स्मृताः
प्रत्यूषश्च प्रभासश्च वसवो ऽष्टौ प्रकीर्तिताः
ध्रुवपुत्रो ऽभवत्तात कालो लोकाप्रकालनः
धरोर्मी कलिलश्चैव पञ्च चन्द्रमसः सुताः
स्कन्दः सनत्कुमारश्च जज्ञे पादेन तेजसः
तस्य शाखो विशाखश्च नैगमेयश्च प्रष्टजाः
अविज्ञान गतिश्चैव द्वौ पुत्रावनिलस्य च
द्वौ पुत्रौ देवलस्यापि क्षमावन्तौ मनीषिणौ
योगसिद्धा जगत्कृत्स्नमशक्ता चरति स्म ह
विश्वकर्मा सुतस्तस्याः प्रजापतिपतिर्विभुः
क्रतुर्दक्षः श्रवः सत्यः कालः मुनिस्तथा
धर्मपुत्राः सुरा एते विश्वायां जज्ञिरे शुभाः
मुहूर्ताश्च मुहूर्ताया घोषलंबा ह्यजायत
नव वीथ्यस्तु जामायाः पथत्रयमुपाश्रिताः
एष सर्गः समाख्यातो विद्वान्धर्मस्य शाश्वतः
नामतः संप्रवक्ष्यामि ब्रुवतो मे निबोधत
मुहुर्त्ताः सर्वनक्षत्रा अहोरात्रभिदस्तथा
रवेर्गति विशेषेण सर्वर्त्तुषु च नित्यशः
अविशेषेषु कालेषु ज्ञेयः सवितृमानतः
आप्यो ऽथ वैश्वदेवश्च ब्राह्मो मध्याह्नसंश्रितः
वारुणश्च यथार्यम्णो भगश्चापि दिनश्रिताः