ओर्वस्यासीत्पुत्रशतं जमदग्निपुरोगमम्
ऋष्यतरेषु वै बाह्या बहवो भार्गवाः स्मृताः
मित्रेयुः सप्तमा ह्येते पक्षा ज्ञेयास्तु भार्गवाः
यस्यान्ववाये संभूता भारद्वाजाः सगौतमाः
सुरूपा चैव मारीची कार्दमी च तथा स्वराट्
अथर्वणस्तु दायादास्तासु जाताः कुलोद्वहाः
बृहस्पतिं सुरूपायां गौतमं सुषुवे स्वराट्
धृष्णिः पुत्रस्तु पथ्यायाः संवर्त्तश्चैव मानसः
अथोशिजो दीर्घतमा बृहदुक्थो वामदेवजः
रथकाराः स्मृता देवा ऋभवो ये परिश्रुताः
बृहस्पतिं सुरूपायां गौतमं सुषुवे स्वराट्
आधार्यायुर्द्दनुर्दक्षो दमः प्राणस्त थैव च
अयास्याश्चप्युतथ्याश्च वामदेवास्तथौशिजाः
मुद्गला विष्णुवृद्धाश्च हरिताः कपयस्तथा
एते चाङ्गिरसां पक्षा विज्ञेया दश पञ्च च
मरीचेरपि वक्ष्यामि भेद मुत्तमपूरुषम्
मरीचिरापश्चकमे नाभिध्यायन्प्रजेप्सया
संयुज्यात्मानमेवन्तु तपसा भावितः प्रभुः
तासु प्रणिहितात्मानमेकं सो ऽजनयत्प्रभुः
पुत्रं मरीचिस्तपसि निरतः सो ऽप्स्वतीतपत्
सप्तवर्षसहस्राणि ततः सो ऽप्रतिमो ऽभवत्
मन्वन्तरेषु सर्वेषु ब्रह्मणोंऽशेन जायते
अपिबत्स तदा कश्यं कश्यं मद्यमिहोच्यते
कश्यं मद्यं स्मृतं विप्रैः कश्यपानां तु कश्यपः
दक्षाभिशप्तः कुपितः कश्यपस्तेन सो ऽभवत्
तस्मै प्राचेतसो दक्षः कन्यास्ताः प्रत्यपादयत्
इत्येतमृषिसर्गं तु पुण्यं यो वेद वारुणम्
धारणाच्छ्रवणाद्वापि सर्वपापैः प्रमुच्यते
प्रजाः सृजेति व्यदिष्टः स्वयं दक्षः स्वयंभुवा
मानसानि च भूतानि स पूर्वमसृजत्प्रभुः