मारीचात्कश्यपाद्देवा जज्ञिरे परमर्षयः
भृगवोंऽगिरसश्चैव ते ऽष्ठौ देवगणाः स्मृताः
साध्याश्य वसवो विश्वे धर्मपुत्रास्त्रयो गणाः
वैवस्वतेंऽतरे ह्यस्मिन्नित्ये ते छन्दजा मताः
एवं सर्गस्तु मारीचो विज्ञेयः सांप्रतः शुभः
अतीतानागता ये च वर्त्तन्ते सांप्रतं च ये
भूतभव्यभवन्नाथाः सहस्राक्षाः पुरन्दराः
सर्वैः क्रतुशतेनेष्टं पृथक्छतगुणेन तु
अभिभूयावतिष्ठन्ति धर्माद्यैः कारणैरपि
भूतभव्यभवन्नाथा यथा ते प्रभविष्णवः
भूतभव्यभवद्ध्येत त्समृतं लोकत्रयं द्विजैः
भव्यं स्मृतं दिवं ह्येतत्तेषां वक्ष्यामि साधनम्
भूरिति व्याहृतं पूर्वं भूर्लोको ऽयमभूत्तदा
भूतत्वाद्दर्शनाच्चैव भूर्लोको ऽयमभूत्ततः
भूते ऽस्मिन्भवदित्युक्तं द्वितीयं ब्रह्मणा पुनः
भवनात्तु भुवल्लोको निरुत्तया हि निरुच्यते
उत्पन्ने तु तथा लोके द्वितीये ब्रह्मणा पुनः
अनागते भव्य इत शब्द एष विभाव्यते
भूरितीयं स्मृता भूमिरन्तरिक्षं भुवः स्मृतम्
त्रैलोक्ययुक्तैर्व्याहारैस्तिस्रो व्याहृतयो ऽभवन्
यस्माद्भूतस्य लोकस्य भव्यस्य भवतस्तथा
प्रधानभूता देवेन्द्रा गुणभूतास्तथैव च
यज्ञगन्धर्वरक्षांसि पिशाचो रगमानुषाः
देवेन्द्रा गुरवो नाथा राजानः पितरो हि ते
इत्येतल्लक्षणं प्रोक्तं देवेन्द्राणां समासतः
गाधिजः कौशिको धीमान्विश्वामित्रो महातपाः
बृहस्पतिसुतश्चापि भरद्वाजो महा यशाः
स्वायंभुवो ऽत्रिर्भगवान्ब्रह्मकोशः सपञ्चमः
वत्सरः काश्यपश्यैव सप्तैते साधुसंमताः
इक्ष्वाकुश्च नृगश्चैव धृष्टः शर्यातिरेब च