प्रत्येकवेद्यंभवति त्रेतास्विह पुनः पुनः
ब्रह्मा चैतानुवाचादौ तस्मिन्वैवस्वते ऽन्तरे
कुर्वन्ति संहिता ह्येते जायमानाः परस्परम्
अतीतेषु व्यतीतानि वर्त्तन्ते पुनः पुनः
युगे युगे तु ताः शाखा व्यस्यन्ते तै पुनः पुनः
तेषां गोत्रेष्विमाः शाखा भवन्ति हि पुनः पुनः
एवमेव तु विज्ञेया अतीतानागतेष्वपि
अतीतेषु व्यतीतानि वर्त्तन्ते सांप्रते ऽन्तरे
पूर्वेण पश्चिमं ज्ञेयं वर्तमानेन चोभयम्
एवं देवाः सपितर ऋषयो मनवश्च वै
जनलोकात्सुराः सर्वे दशकल्पान्पुनः पुनः
अवश्यभाविनार्ऽथेन संभध्यन्ते तदा तु ते
निवर्त्तते तदा वृत्तिः सा तेषां दोषदर्शनात्
जनलोकात्तपोलोकं गच्छन्तीहानिवर्त्तकम्
निधनं ब्रह्मलोके वै गतानि ऋषिभिः सह
अनादित्वाच्च कालस्य संख्यानां चैव सर्वशः
पितृभिर्मुनिभिर्देवैः सार्द्धं च ऋषिभिः सह
एतेन क्रमयोगेन कल्पमन्वन्तराणि च
मन्वन्तरान्ते संहारः संहारान्ते च संभवः
न शक्य आनुपूर्व्येण वक्तुं वर्षशतैरपि
मन्वन्तरस्य संख्या तु मानुषेण निबोधत
त्रिंशत्कोट्यस्तु संपूर्णा संख्याताः संख्याया द्विजैः
विंशतिश्च सहस्रामि कालो ऽयं साधिकं विना
वर्षाग्रेणापि दिव्येन प्रवक्ष्याम्युत्तरं मनोः
द्विपञ्चाशत्तथान्यानि सहस्राण्यधिकानि तु
पूर्णं युगसहस्रं स्यात्तदहर्ब्रह्मणः स्मृतम्
ब्रह्माणामग्रतः कृत्वा सह देवर्षिदानवैः
स स्रष्टा सर्व भूतानां कल्पादिषु पुनः पुनः
सर्वमन्वन्तराणां हि प्रतिसंधिं निबोधत
कृतत्रेतादिसंयुक्तं चतुर्युगमिति स्मृतम्