देवार्षी धर्मपुत्रौ तु नरनारायणवुभौ
कुबेरश्चैव पौलस्त्यः प्रत्यूषस्य दलः सुत
ऋषन्ति वेदान्यस्मात्ते तस्माद्देवर्षयः स्मृताः
ये च ऐक्ष्वाकनाभागा ज्ञेया राजर्षयस्तु ते
ब्रह्मलोकप्रतिष्ठास्तु समृता ब्रह्मर्षयो ऽमलाः
इन्द्रलोकप्रतिष्ठास्तु सर्वे राजर्षयो मताः
ये च ब्रह्मर्षयः प्रोक्ता दिव्या देवर्षयश्च ये
भूतं भव्यं भवज्ज्ञानं सत्याभि व्यात्दृतं तथा
तपसेह प्रसिद्धा ये गर्भे यैश्च प्रवेदितम्
एते राजर्षयो युक्ता देवाद्विजनृपाश्च ये
सप्तैते सप्तभिश्चैव गुणैः सप्तर्षयः स्मृताः
बुद्धाः प्रत्यक्ष धर्माणो गोत्रप्रावर्त्तकाश्च ते
तुल्यैर्व्यवहरन्ति स्म ह्यदुष्टैः कर्महेतुभिः
कुटुंबिनो बुद्धिमन्तो वनान्तरनिवासिनः
वर्णाश्रमव्यवस्थानं क्रियते प्रथमं तु वै
प्रवर्त्तयन्ति ये वर्णानाश्रमांश्चैव सर्वशः
जायमाने पितापुत्रे पुत्रः पितरि चैव हि
अष्टाशीतिसहस्राणि प्रोक्तानि गृहमेधिनाम्
दाराग्निहोत्रिणस्ते वै यै प्रजाहेतवः स्मृताः
अष्टाशीतिसहस्राणि निहिता उत्तरापथे
मन्त्रब्राह्मणकर्त्तारो जायन्ते च युगक्षयात्
कल्पानामार्षविद्यानां नानाशास्त्रकृतश्च ये
वैवस्वते ऽन्तरे तस्मिन्द्वापरेषु पुनः पुनः
सप्तमे द्वापरे व्यमताः स्वयं वेदाः स्वयंभुवा
तृतीये चोशना व्यासश्चतुर्थे च बृहस्पतिः
सप्तमे च तथैवेन्द्रो वसिष्ठश्चाष्टमे स्मृतः
एकादशे तु त्रिवर्षा सनद्वाजस्ततः परम्
त्रैय्यारुणिः पञ्चदशे षोडशे तु धनञ्जयः
ऋजीषात्तु भरद्वाजो भरद्वाजात्तु गौतमः
हर्यवनात्परो वेनः स्मृतो वाजश्रवास्ततः