शालिमञ्जरिपाकश्च शधीयः कानिनिश्च यः
सामगानां तु सर्वेषां श्रेष्ठौ द्वौ परिकीर्त्तितौ
अथर्वाणं द्विधा कृत्वा सुमन्तुरददाद्द्विजाः
कबन्धस्तु द्विधा कृत्वा पथ्यायैकं पुनर्ददौ
मोदो ब्रह्मबलश्चैव पिप्पलादस्तथैव च
देवदर्शस्य चत्वारः शिष्या ह्येते दृढव्रताः
जाजलिः कुमुदादिश्च तृतीयः शौनकः स्मृतः
द्द्वितीयां संहितां धीमान्सैन्धवायनसंज्ञि ते
नक्षत्रकल्पो वैतानस्तृतीयः संहिताविधिः
श्रेष्ठास्त्वथर्वणामेते संहितानां विकल्पकाः
आत्रेयः सुमतिर्धीमान्काश्यपो ह्यकृतव्रणः
सावर्णिः सोमदत्तिश्च सुशर्मा शांशपायनः
त्रिभिस्तत्र कृतास्तिस्रः संहिताः पुनरेव हि
मामिका तु चतुर्थी स्याच्चतस्रो मूलसंहिताः
पाठान्तरे वृथाभूता वेदशाखा यथा तथा
लौमहर्षणिका मूला ततः काश्यपिका परा
शांशपायनिका चान्या नोदनार्थविभूषिता
एताः पञ्चदशान्याश्च दशान्या दशभिस्तथा
अष्टौ सामसहस्राणि सामानि च चतुर्द्दश
द्वादशैव सहस्राणि च्छन्द आध्वर्यवं स्मृतम्
सग्राम्यारण्यकं तस्मात्समन्त्रकरणं तथा
ग्राम्यारण्यं समन्त्रं तदृग्ब्राह्मणयजुः स्मृतम्
तथैव तैत्तिरीयाणां परक्षुद्रा इति स्मृतम्
ऋग्गमः परिसंख्यातो ब्राह्मणं तु चतुर्गुणम्
एतत्प्रमाणं यजुषामृचां च सशुक्रियं सखिलं याज्ञवल्क्यम्
षट्सहस्रमृचामुक्तमृचः षड्विंशतिं पुनः
एकादशसहस्राणि ऋचश्चान्या दशोत्तराः
सहस्रमेकं मन्त्राणामृचामुक्तं प्रमाणतः
ऋचामथर्वणां पञ्चसहस्राणीति निश्चयः
एतदङ्गिरसां प्रोक्तं तेषामारण्यकं पुनः