हेतुर्हन्तेः स्मृतो धातोर्यन्निहन्त्युदितं परैः
तथा निर्वचनं ब्रूयाद्वाक्यार्थस्यावधारणम्
प्रपूर्वाच्छंसतेर्धातोः प्रशंसागुणवत्तया
इदमेवं विधातव्यमित्ययं विधिरुच्यते
यो ह्यत्यन्तपरोक्षार्थः स पुराकल्प उच्यते
मन्त्रब्राह्मणकल्पैश्च निगमैः शुद्धविस्तरैः
यथा हीदं तथा तद्वै इदं चैव तथैव तत्
इत्येतद्ब्रह्मणस्यादौ विहितं रक्षणं बुधैः
मन्त्राणां कल्पना चैव विधिदृष्टिषु कर्मसु
अस्तोभमनवद्यं च सूत्रं सूत्रविदो विदुः
कथं वेदाः पुनर्व्यस्तास्तन्नो ब्रूहि महामते
ब्रह्मा मनुमुवाचेदं रक्षवेदं महामते
संवृता युगदोषेण सर्वे चैव यथाक्रमम्
दशसाहस्रभागेन ह्यवशिष्टं कृतोदितम्
वेदक्रिया हि कार्याः स्युर्माभूद्वेदविनाशनम्
यज्ञे नष्टे वेदनाशस्ततः सर्वं प्रणश्यति
पुनर्दशगुणः कृष्णो यज्ञो वै सर्वकामधुक्
वेदमेकं चतुष्पादं चतुर्द्धा व्यभजत्प्रभुः
तदहं वर्त्तमानेन युष्माकं वेदकल्पनम्
प्रत्यक्षेण वरोक्षंवै तन्निबोधत सत्तमाः
द्वैपायन इति ख्यातो विष्णोरंशः सनातनः
अथ शिष्यान्सजग्राह चतुरो वेदकारणात्
चतुर्थं पैलमेतेषां पञ्चमं लोमहर्षणम्
यजुर्वेदप्रवक्तारं वैशंपायनमेव च
तथैवाथर् ववेदस्य सुमन्तुमृषिसत्तमम्
मां चैव प्रतिजग्राह भगवानीश्वरः प्रभुः
चातुर्हेत्रमभूत्तस्मिंस्तेन यज्ञमकल्पयत्
औद्गात्रं सामभिश्चक्रे ब्रह्मत्वं चाप्यथर्वभिः
होतृकं कल्पयत्तेन यजुर्वेदं जगत्पतिः
रा५स्त्वथर्ववेदेन सर्वकर्माण्यकारयत्