लोपामुद्रा च धर्मज्ञा या च कोशीतिका स्मृता
इत्येता मुख्यशः प्रोक्ता मया च ऋषिपुत्रकाः
ईश्वरा मन्त्रवक्तार ऋषयो ह्यृषिकास्तथा
ईश्वराणामृषीणां च ऋषिकाणां सहात्मजैः
तत्राज्ञायुक्तमद्वैतं दीप्तं गंभीरशब्दवत्
सर्वभूतान्यभूतं च परिदानं च यद्भवेत्
यत्किञ्चिन्मन्त्रसंयुक्तं तत्र नामविभक्तिभिः
नैगमैर्विविधैः शब्दैर्निपातैर्बहुलं च यत्
अविस्पष्टपदं यच्च यच्च स्याद्बहुसंशयम्
हेतुदृष्टान्त बहुलं चित्रशब्दमपार्थकम्
मिश्रा इति समाख्याताः प्रभावादृषितां गाताः
भूतभव्यभवज्ज्ञान जन्मदुःखचिकित्सनम्
धर्मशास्त्रप्रणेतारो महिम्ना सर्वगाश्च वै
बृहस्पतिश्च शुक्रश्च व्यासः सारस्वतस्तथा
यस्मादवारजाः संतः पूर्वेभ्यो मेधयाधिकाः
यस्मिन्कालो न चं वयः प्रमाणमृषिभावने
यस्माद्बुद्ध्या च वर्षीयान्बलो ऽपि श्रुतवानृषिः
विनियुक्तावसानां तु तामृचं परिचक्षते
अतियुक्तावसानं च तद्यजुर्वै प्रचक्षते
पञ्चमः प्रतिहोत्रश्च षष्ठमाहुरुपद्रवम्
पञ्चविन्ध्य इति प्रोक्तं ह्रीङ्कारः प्रणवादृते
आशास्तिस्तु प्रसंख्याता विलापः परिदेवना
एतत्तु सर्वविद्यानां विहितं मन्त्रलक्षणम्
मूर्तिर्निन्दा प्रशंसा चाक्रोशस्तोषस्तथैव च
मन्त्रभेदांश्च वक्ष्यामि चतुर्विशतिलक्षणान्
अभिशापो विशापश्च प्रश्नः प्रतिवचस्तथा
वियोगा ह्यभियोगाश्च कथा संस्था वरश्च वै
विलापश्चेति मन्त्राणां चतुर्विंशतिरुद्धृताः
हेतु र्निर्वचनं निन्दा प्रशस्तिः संशयो निधिः
उपमा च दशैते वै विधयो ब्राह्मणस्य तु