न क्रुध्यन्ति न त्दृष्यन्ति जितात्मानस्तु ते स्मृताः
ब्रह्मक्षत्रविशो यस्माद्युक्तास्तस्मा द्द्विजातयः
श्रौतस्मार्तस्य धर्मस्य ज्ञानाद्धर्मज्ञ उच्यते
गृहाणां साधनाच्चैव गृहस्थः साधुरुच्यते
यतमानो यतिः साधुः स्मृतो योगस्य साधनात्
गृहस्थो ब्रह्मचारी च वानप्रस्थो यतिस्तथा
अयं धर्मो ह्ययं नेति विन्दते भिन्नदर्शनाः
कुशलाकुशलं कर्म धर्माधर्माविह स्मृताम्
अधारणामहत्त्वे च अधर्म इति चोच्यते
अधर्मश्चानिष्टफलोह्याचार्यैरुपदिश्यते
सम्यग्विनीता ऋजवस्तानाचार्यान्प्रजक्षते
आचिनोति च शास्त्राणि आचार्यस्तेन चोच्यते
दाराग्निहोत्रसम्बन्धाद्द्विधा श्रौतस्य लक्षणम्
पूर्वेभ्यो वेदयित्वेह श्रौतं सप्तर्ष यो ऽब्रुवन्
मन्वन्तरस्यातीतस्य स्मृत्वाचारान्मनुर्जगौ
स एष विविधो धर्मः शिष्टाचार इहोच्यते
मन्वन्तरेषु ये शिष्टा इह तिष्ठन्ति धार्मिकाः
धर्मार्थं ये च तिष्ठन्ति ताञ्छिष्टान्वै प्रचक्षते
तैः शिष्टैश्चरितो धर्मः सम्यगेव युगे युगे
शिष्टैराचर्यते यस्मान्मनुना च पुनः पुनः
दानं सत्यं तपो ज्ञानं विद्येज्या व्रजनं दया
शिष्टा यस्माच्चरन्त्येनं मनुः सप्तर्षयस्तु वै
विज्ञेयः श्रवणाच्छ्रौतः स्मरणात्स्मार्त्त उच्यते
प्रत्यङ्गानि च वक्ष्यामि धर्मस्येह तु लक्षणम्
यथा भूतप्रवादस्तु इत्येतत्सत्यलक्षणम्
इत्येतत्तपसो रूपं सुघोरं सुदुरा सदम्
ऋत्विजां दक्षिणानां च संयोगो यज्ञ उच्यते
प्रवर्त्तन्ते समा दृष्टिः कृत्स्नाप्येषा दया स्मृता
वाङ्मनःकर्मभिर्वेत्ति तितिक्षैषा क्षमा स्मृता
परस्वानामनादानमलोभ इति कीर्त्यते