युगान्ते च भविष्यन्ति स्वरक्षणपरायणाः
शूद्राभिवादिनः सर्वे युगान्ते द्विजसत्तमाः
प्रमदाः केशशूलाश्च युगान्ते समुपस्थिते
यतयश्च भविष्यन्ति बहवो ऽस्मिन्कलौ युगे
सर्वे वाणिजकाश्चा पि भविष्यन्त्यधमे युगे
कुशीलचर्यापाखण्डैर्व्याधरूपैः समावृतम्
बाहुयाचनको लोको भविष्यति परस्परम्
न कृते प्रतिकर्त्ता च युगे क्षीणे भविष्यति
ततः शून्य वसुमती भविष्यति वसुन्धरा
हर्त्तारः पररत्नानां परदारविमर्शकाः
प्रनष्टचेष्टना धूर्त्ता मुक्तकेशास्त्त्वशूलिनः
शुक्लदन्ता जिताक्षाश्च मुण्डाः काषायवाससः
सस्यचोरा भविष्यन्ति तथा चैलापहारिणः
ज्ञानकर्मम्युपरते लोके निष्क्रियतां गते
अभीक्ष्णं क्षेममारोग्यं सामर्थ्यं दुर्लभं तथा
दुःखेनाभिप्लुतानां च परमायुः शतं तदा
तत्सीदन्ते तथा यज्ञाः केवलाधर्मपीडिताः
वेदविक्रयिमश्चन्ये तीर्थविक्रयिणो ऽपरे
उत्पद्यन्ते तदा ते वै संप्राप्ते तु कलौ युगे
यजन्ते चाश्वमेधेन राजानः शूद्रयोनयः
अपहत्य तथान्योन्यं साधयन्ति तदा प्रजाः
अधर्माभिनिवेशित्वात्तमोवृत्तं कलौ स्मृतम्
तस्मादायुर्बलं रूपं कलिं प्राप्य प्रहीयते
धन्या धर्मं चरिष्यन्ति युगान्ते द्विजसत्तमाः
त्रेतायामाब्दिको धर्मो द्वापरे मासिकः स्मृतः
एषा कलियुगावस्था संध्यांशं तु निबोधत
युगस्वभावात्संध्यासु तिष्ठन्तीह तु यादृशः
एवं संध्यांशके काले संप्राप्ते तु युगान्तिके
गोत्रेण वै चन्द्र मसो नाम्ना प्रमतिरुच्यते
समाः सविंशतिः पूर्णाः पर्यटन्वै वसुंधराम्