द्वापरे संप्रवर्त्तते विनश्यन्ति ततः कलौ
अवृष्टिर्मरणं चैव तथैव व्याध्युपद्रवाः
निर्वेदाज्जायते तेषां दुःखमोक्षविचारणा
दोषदर्शनतस्चैव द्वापरे ऽज्ञानसंभवः
उत्पद्यन्ते हि शास्त्राणां द्वापरे परिपन्थिनः
अर्थशास्त्रविकल्पाश्च हेतुशास्त्रविकल्पनम्
स्मृतिशास्त्रप्रभेदश्च प्रस्थानानि पृथक्पृथक्
मनसा कर्मणा वाचा कृच्छ्राद्वार्ता प्रसिद्ध्यति
लोभो वृत्तिर्वणिक्पूर्वा तत्त्वानामविनिश्चयः
वर्णाश्रमपरिध्वंसः कामक्रोधौ तथैव च
वेदं व्यासश्चतुर्द्धा तु व्यस्यते द्वापरादिषु
प्रतिष्ठते गुणैर्हीनो धर्मो ऽसौ द्वापरस्य तु
द्वापरस्यावशेषेण तिष्यस्य तु निबोधत
हिंसासूयानृतं माया वधश्चैव तपस्विनाम्
एष धर्मः कृतः कृत्स्नो धर्मश्च परिहीयते
कलौ प्रमारकी रोगः सततं क्षुद्भयानि च
न प्रमाणं स्मृतेरस्ति तिष्ये लोकेषु वै युगे
स्थविराः के ऽपि कौमारे म्रियन्ते वै कलौ प्रजाः
विप्राणां कर्मदोषैस्तैः प्रजानां जायते भयम्
तिष्ये भवन्ति जन्तूनां रागो लोभश्च सर्वशः
पूर्णे वर्षसहस्रे वै परमायुस्तदा नृणाम्
उत्सीदन्ति नराश्चैव क्षत्रियाश्च विशः क्रमात्
भवन्तीह कलौ तस्मिञ्छयनासनभोजनैः
गुणहीनाः प्रजाश्चैव तदा वै संप्रवर्त्तते
शूद्राश्च ब्राह्मणाचाराः शूद्राचाराश्च ब्राह्मणाः
भृत्या एते ह्यसुभृतो युगान्ते समवस्थिते
मायाविन्यो भविष्यन्ति युगान्ते मुनिसत्तम
श्वापदप्रबलत्वं च गवां चैव ह्युपक्षयः
तदा धर्मो महोदर्के दुर्लभो दानमूलवान्
तदा ह्यल्पफला भूमिः क्वचिच्चापि महाफला