अभिव्यक्तास्तु ते मन्त्रास्तारकाद्यैर्निदर्शनैः
प्राणाशेष्वथ सिद्धीनामन्यासां च प्रवर्त्तनम्
ते मन्त्रा वै पुनस्तेषां प्रतिभायामुपस्थिताः
सप्तर्षिभिस्तु ते प्रोक्ताः स्मार्त्तं धर्मं मनुर्जगौ
संरोधादायुषश्चैव वर्त्स्यन्ते द्वापरेषु वै
अनादिनिधिना दिव्याः पूर्वं सृष्टाः स्वयंभुवा
विक्रियन्ते समानार्था वेदवादा यथायुगम्
परिचारयज्ञाः शूद्रास्तु जपयज्ञा द्विजोत्तमाः
क्रियावन्तः प्रजावन्तः समृद्धाः सुखिनस्तथा
वैश्यानुवर्त्तिनः शुद्राः परस्परमनुव्रताः
संकल्पितेन मनसा वाचोक्तेन स्वकर्मणा
आयुर्मेधा बलं रूपमारोग्यं धर्मशीलता
वर्णाश्रमव्यवस्थानं तेषां ब्रह्मा तदाकरोत्
परस्परविरोधेन मनुं ताः पुनरभ्ययुः
ध्यात्वा तु शतरूपायां पुत्रौ स उदपादयत्
ततः प्रभृति राजान उत्पन्ना दण्डधारिणः
प्रच्छन्न पापास्तैर्ये च न शक्यास्तु नराधिपैः
वर्णानां प्रविभागाश्च त्रेतायां संप्रकीर्त्तिताः
यज्ञाः प्रवर्त्तिताश्चैव तदा ह्येव तु दैवतैः
सार्द्धं विश्वभुजा चैव देवेन्द्रेण महौजसा
सत्यं जपस्तपो दानं त्रेताया धर्म उच्यते
जायन्ते च तदा शूरा आयुष्मन्तो महाबलाः
पद्मपत्रायताक्षाश्च पृथूरस्काः सुसंहताः
महाधनुर्द्धराश्चैव त्रेतायां चक्रवर्त्तिनः
न्यग्रोधौ तु स्मृतौ बाहू व्यामो न्यग्रोध उच्यते
समोछ्रयपरीणाहो ज्ञेयो न्यग्रोधमण्डलः
सप्तैतानि च रत्नानि सर्वेषां चक्रवर्तिनाम
केतुर्निधिश्च सप्तैव प्राणहीनानि चक्षते
मन्त्र्यश्वः कलभश्चैव प्राणिनः सप्त कीर्त्तिताः
चतुर्दश विधेयानि सर्वेषां चक्रवर्त्तिनाम्