यानि चान्यानिभूतानि स्थावराणि चराणि च
अस्माकं दह्यमानानां त्राता भव सुरेश्वर
महेश्वर महाभाग प्रभो शुभनिरीक्षक
रूपकोटिसहस्रेषु रूपकोटिशतेषु च
ततस्तु भगवानीश इदं वचनमब्रवीत्
यथोक्तकारिणो दान्ता विप्रा ध्यानपरायणाः
न चेमानप्रियं ब्रूयादमुत्रेह हितार्थवान्
एवं चरथ भद्रं वो मत्तः सिद्धिमवाप्स्यथ
अपगतभयलोभमोहचिन्ताः सह पतिताः महसा शिरोभिरूहुः
गन्धोदकैः सुशुद्धैश्च कुशपुष्पविमिश्रितैः
गायन्ति विविधैर्गुह्यैर् हुंकारैश्चापि सुस्वरैः
अर्द्ध नारीशरीराय सांख्ययोगप्रवर्त्तिने
कृष्णाजिनोत्तरीयाय व्यालयज्ञोपवीतिने
मृगपतिवरचर्मवाससे ते पृथुपरशो च नमोस्तु शङ्कराय
वर्णधर्मपराश्चैव चेरुस्ते मुनिसत्तमाः
प्रीतोस्मि युष्मत्तपसा वरं वृणुत मुव्रताः
भृग्वङ्गिरा वसिष्ठश्च विश्वामित्रस्तथैव च
मरीचिः कश्यपश्चापि संवर्तश्च महातपाः
सेव्यासेव्यत्वं तु विभो एतदिच्छाम वेदितुम्
अग्निर्ह्यहं सोमयुतः सोमश्चाग्निमुपश्रितः
असकृच्चाग्निना दग्धं जगत्स्थावरजङ्गमम्
भस्मना वीर्यमास्थाय भूतानि परिषिञ्चति
भस्मना मम वीर्येण मुच्यते सर्वकिल्बिषैः
तत्क्षणात्सर्वपापानां भस्मेति परिकीर्त्यते
अग्नीषोमात्मकं सर्वं जगत्स्थावरजं गमम्
अहमग्निश्च सोमश्च प्रकृत्या पुरुषः स्वयम्
स्ववीर्यं वपुषा चैव धारयामीति वै स्थितिः
भस्मना क्रियते रक्षा सूतिकानां गृहेषु च
मत्समीपसुपागम्य न भूयो विनिवर्तते
पूर्वं पाशुपतं ह्येतन्निर्मितं तदनुत्तमम्