ज्येष्ठस्त्वं वामदेवश्च रुद्रः स्कन्दः शिवः प्रभुः
स्वाहाकारो नमस्कारः संस्कारः सर्वकर्मणाम्
वेदा लोकाश्च देवाश्च भगवानेव सर्वशः
भूमौ गन्धो रसश्चाप्सु तेजोरूपं महेश्वरः
वायोः स्पर्शश्च देवेश वपुश्चन्द्रमसस्तथा
बुद्धौ ज्ञानं च देवेश प्रकृतेर्बीजमेव च
त्वं धारयसि लोकांस्त्रींस्त्वमेव सृजसि प्रभो
दक्षिणेन तु वक्त्रेण लोकान्संक्षिपसे पुनः
उत्तरेण तु वक्त्रेण सोमस्त्वं देवसत्तमः
आदित्या वसवो रुद्रा मरुतश्च सहाश्विनः
वालखिल्या महात्मानस्तपः सिद्धाश्च सुव्रताः
उमा सीता सिनीवाली कुहूर्गायत्र्य एव च
त्वत्तः प्रसूता देवेश संध्या रात्रिस्तथैव च
नमो ऽस्तु ते वज्रपिनाकधारिणे नमोस्तु ते देव हिरण्यवाससे
नमो ऽस्तु ते देव हिरण्यरेतसे नमो ऽस्तु ते देव हिरण्यवाससे
नमो ऽस्तु ते देव हिरण्यरेतसे नमो ऽस्तु ते नेत्रसहस्रचित्र
नमो ऽस्तु ते देव हिरण्यवीर नमो ऽस्तु ते देव हिरण्यदायिने
नमो ऽस्तु ते देव पिनाकपाणे नमो ऽश्तुते ते शङ्कर नीलकण्ठ
देवदेवो जगद्योनिः सूर्य कोटिसमप्रभः
वक्त्रकोटिसहस्रेण ग्रसमान इवांबरम्
नानारत्नविचित्राङ्गो नानामाल्यानुलेपनः
व्यालय ज्ञोपवीती च सुराणामभयङ्करः
मुक्तो हासस्तदा तेन सर्वमापूरयञ्जगत्
अथोवाच महादेवः प्रीतो ऽहं सुरसत्तमौ
युवां प्रसूतौ गात्रेभ्यो मम पूर्वं सनातनौ
वामो बाहुश्च मे विष्णुर्नित्यं युद्धेष्वनिर्जितः
ततः प्रहृष्टमनसौ प्रणतौ पादयोः प्रभोः
भक्तिर्भवतु नौ नित्यं त्वयि देव सुरेश्वर
एवमुक्त्वा स भगवांस्तत्रैवातरधाद्विभुः
एतद्धि परमं ज्ञानमव्यक्तं शिवसंज्ञितम्