तत्त्वानां संग्रहे यस्मान्महांश्च परिमाणतः
विभक्तिमानं मनुते विभागं मन्यते ऽपि वा
बृहत्त्वाद्वृंहणत्वाच्च भावानामखिलाश्रयात्
आपूरयति यस्माच्च सर्वान् देहाननुग्रहैः
तस्मिंस्तु कार्यकरणं संसिद्धं ब्रह्मणः पुरा
स वै शरीरी प्रथमः पुरा पुरुष उच्यते
आदिकर्त्ता स भूतानां ब्रह्माग्रे समवर्त्तिनाम्
सर्गे च प्रतिसर्गे च क्षेत्रज्ञो ब्रह्म संसितः
भजन्ते च पुनर्देहांस्ते समाहारसंधिसु
गर्तोदकं सबुदास्तु हरेयुश्चापि पञ्चताः
पृथिवी सप्तभिर्द्वीपैः समुद्रैः सह सप्तभिः
अन्तःस्थस्य त्विमे लोका अन्तर्विश्वमिदं जगत्
लोकालोकं च यत् किञ्चिदण्डे तस्मिन्प्रतिष्टितम्
तेजो दशगुणेनैव बाह्यतो वायुना वृतम्
आकाशमावृतं सर्वं बहिर्भूतादिना तथा
एभिरावरणैरण्डं सप्तभिः प्राकृतैर्वृतम्
प्रसर्गकाले स्थित्वा च ग्रसंतस्च परस्परम्
आधाराधेयभावेन विकारास्ते विकारिषु
इत्येवं प्राकृतः सर्गः क्षेत्रज्ञाधिष्ठितस्तु सः
आयुष्मान्कीर्तिमान्धन्यः प्रज्ञावांश्च न संशयः
साधर्म्येणावतिष्ठेते प्रधानपुरुषौ तदा
अनुद्रिक्तावनुचरौ तेन प्रोक्तौ परस्परम्
सत्त्ववृद्धौ स्थितिरभूद् ध्रुवं पद्म शिखास्थितम्
रजः प्रवर्तकं तच्च बीजेष्विव यथा जलम्
गुणेभ्यः क्षोभ्यमाणेभ्यस्त्रयो ज्ञेया हि सादरे
सत्त्वं विष्णू रजो ब्रह्मा तमो रुद्रः प्रजापतिः
जायते च यतश्चत्रा लोकसृष्टिर्महोजसः
सत्त्वप्रकाशको विष्णुः स्थितित्वेन व्यवस्थितः
एत एव त्रयो वेदा एत एव त्रजो ऽग्नयः
परस्परेण वर्तन्ते प्रेरयन्ति परस्परम्