ऋषीणां चापि सप्तानां ध्रुव ऊर्द्ध्वं व्यवस्थितः
ताराग्रहान्तराणि स्युरुपरिष्टाद्यथाक्रमम्
नित्यमृक्षेषु युज्यन्ते गच्छन्तो नियताः क्रमात्
समागमे च भेदे च पश्यन्ति युगपत्प्रजाः
असंकरेण विज्ञेयस्तेषां योगस्तु वै बुधैः
द्विपानामुदधीनां च पर्वतानां त्थैव च
एतेष्वेव ग्रहाः सर्वे नक्षत्रेषु समुत्थिताः
विशाखासु समुत्पन्नो ग्रहाणां प्रथमो ग्रहः
शीतरश्मिः समुत्पन्नः कृत्तिकासु निशाकरः
ताराग्रहाणां प्रवरस्तिष्यऋक्षे समुत्थितः
फाल्गुनीषु समुत्पन्नः पूर्वासु च जगद्गुरुः
आषाढास्विह पूर्वासु समुत्पन्न इति श्रुतिः
सौम्यो बुधो धनिष्ठासु पञ्चार्चिरुदितो ग्रहः
आर्श्लेषासु समुत्पन्नः सर्वहारी महाग्रहः
तमोवीर्यमयो राहुः प्रकृत्या कृष्णमण्डलः
एते तारा ग्रहाश्चापि बोद्धव्या भार्गवादयः
स्पृश्यन्ते तेन दोषेण ततस्तद्ग्रहभक्तितः
ताराग्रहाणां शुक्रस्तु केतूनामपि धूमवान्
नक्षत्राणां श्रविष्ठा स्यादयनानां तथोत्तरम्
ऋतूनां शिशिरश्चापि मासानां माघ एव च
अहोरात्रविभागानामहश्चापि प्रकीर्तितम्
क्षणश्चापि निमेषादिः कालः कालविदां वराः
भानोर्गतिविशेषेण चक्रवत्परिवर्त्तते
चतुर्विधानां भूतानां प्रवर्त्तकनिवर्त्तकः
इत्येष ज्योतिषामेव संनिवेशोर्ऽथनिश्चयात्
उत्तराश्रवणेनासौ संक्षिप्तश्च ध्रुवे तथा
बुद्धिबूर्वं भागवता कल्पदौ संप्रवर्त्तितः
वैश्वरूपप्रधानस्य परिणामो ऽयमद्भुतः
गतागतं मनुष्येण ज्योतिषां सांसचक्षुषा
परिक्ष्य निपुणं बुद्ध्या श्रद्धातव्यं विपश्चिता