विधिना नियमाच्चैषामृक्षचर्या व्यवस्थिता
उत्तरायणमार्गस्थो यदा पर्वसु चन्द्रमाः
तदा दक्षिणमार्गस्यो नीयां विथीमुपाश्रितः
न दृश्यते यथाकालं शीघ्रमस्तमुपैति च
दृश्यते दक्षिणे मार्गे नियमाद्दृश्यते न च
समानकालास्तमयौ विषुवत्सु समोदयौ
पूर्णामवास्ययोर्ज्ञोयौ ज्योतिश्चक्रानुवर्तिनौ
तदा सर्वग्रहाणां च सूर्यो ऽधस्तात्प्रसर्पति
नक्षत्रमण्डलं कृत्स्नं सोमादूर्द्ध्व प्रसर्पति
वक्रस्तु भार्गवादूर्द्ध्व वक्रादूर्द्ध्वं बृहस्पतिः
ऋषीणां चापि सप्तानां ध्रुव ऊर्द्ध्वं व्यवस्थितः
ताराग्रहान्तराणि स्युरुपरिष्टाद्यथाक्रमम्
नित्यमृक्षेषु युज्यन्ते गच्छन्तो नियताः क्रमात्
समागमे च भेदे च पश्यन्ति युगपत्प्रजाः
असंकरेण विज्ञेयस्तेषां योगस्तु वै बुधैः
द्विपानामुदधीनां च पर्वतानां त्थैव च
एतेष्वेव ग्रहाः सर्वे नक्षत्रेषु समुत्थिताः
विशाखासु समुत्पन्नो ग्रहाणां प्रथमो ग्रहः
शीतरश्मिः समुत्पन्नः कृत्तिकासु निशाकरः
ताराग्रहाणां प्रवरस्तिष्यऋक्षे समुत्थितः
फाल्गुनीषु समुत्पन्नः पूर्वासु च जगद्गुरुः
आषाढास्विह पूर्वासु समुत्पन्न इति श्रुतिः
सौम्यो बुधो धनिष्ठासु पञ्चार्चिरुदितो ग्रहः
आर्श्लेषासु समुत्पन्नः सर्वहारी महाग्रहः
तमोवीर्यमयो राहुः प्रकृत्या कृष्णमण्डलः
एते तारा ग्रहाश्चापि बोद्धव्या भार्गवादयः
स्पृश्यन्ते तेन दोषेण ततस्तद्ग्रहभक्तितः
ताराग्रहाणां शुक्रस्तु केतूनामपि धूमवान्
नक्षत्राणां श्रविष्ठा स्यादयनानां तथोत्तरम्
ऋतूनां शिशिरश्चापि मासानां माघ एव च