जैवं बृहस्पतिश्चैव लौहितं चैव लोहितः
बौधं बुधो ऽथ स्वर्भानुः स्वर्भानुस्थानमास्थितः
गृहाण्येतानि सर्वाणि ज्योतींषि सुकृतात्म नाम्
स्थानान्येतानि तिष्ठन्ति यावदात्रूतसंप्लवम्
अभिमानिनो ऽवतिष्ठन्ते देवस्थानानि वै पुनः
अस्मिन्मन्वन्तरे चैव ग्रहा वैतानिकाः स्मृताः
त्विषिनामा धर्मसुतः सोमो देवो वसुः स्मृतः
बृहत्तेजाः स्मृतो देवो देवाचार्यो ऽगि रस्सुतः
शनैश्चरो विरूपस्तु संज्ञापुत्रो विवस्वतः
नक्षत्राण्यृक्षनामानो दाक्षायण्यस्तु ताः स्मृताः
सोमर्क्षग्रहसूर्येषु कीर्त्तिता ह्यभिमानिनः
शुक्लमग्निमयं स्थानं सहस्रांशोर्विवस्वतः
आप्यं श्यामं मनोज्ञस्य पञ्चरश्मेर्गृहं स्मृतम्
नवरश्मेस्तु भौमस्य लौहितं स्थानमम्मयम्
अषृ रश्मिगृहं प्रोक्तं कृष्णं मन्दस्य चाम्मयम्
विज्ञेयास्तारकाः सर्वा अम्मयास्त्त्वे करश्मयः
घनतोयात्मिका ज्ञेयाः कल्पादावेव निर्मिताः
नवयोजनसाहस्रो विष्कंभः सवितुः स्मृतः
द्विगुणः सूर्यविस्ताराद्विस्तारः शशिनः स्मृतः
उद्धृत्य पृथिवीछायां निर्मितो मण्डलाकृतिः
आदित्यात्तच्च निष्क्रम्य सोमं गच्छति पर्वसु
स्वर्भासा नुदते यस्मात्तस्मात्स्वर्भानुरुच्यते
विष्कंभान्मण्डलाच्चैव योजनाग्रात्प्रमाणतः
बृहस्पतेः पाद हीनौ भौमसौरावुभौ स्मृतौ
तारानक्षत्ररूपाणि वपुष्मन्ति च यानि वै
प्रायशश्चन्द्रयोगीनि विद्यादृक्षाणि तत्त्ववित्
शतानि पञ्च चत्वारि त्रीणि द्वे चैव योजने
योजनाद्यर्द्धमात्राणि तेभ्यो ह्रस्वं न विद्यते
सौरोङ्गिराश्च वक्रश्च ज्ञेया मन्दविचारिणः
सूर्यसोमौ बुधश्चैव भार्गवश्चैव शीघ्रगाः