वर्षास्वथो शरदि वै चतुर्भिश्च प्रवर्षति
इन्द्रो धाता भगः पूषा मित्रो ऽथ वरुणोर्ऽयमा
माघमासे तु वरुणः पूषा चैव तु फलाल्गुने
ज्येष्ठमासे भवेदिन्द्रश्चाषाढे सविता रविः
पर्जन्यो ऽश्वयुजे मासि त्वष्टा च कार्तिके रविः
पञ्चरश्मिसहस्राणि वरुणस्यार्ककर्मणि
धाताष्टभिः सहस्रैस्तु नवभिस्तु शतक्रतुः
सप्तभिस्तपते सित्रस्त्वष्टा चैवाष्टभिस्तपेत्
षड्भी रश्मिसहस्रैस्तु विषणुस्तपति मेदिनीम्
श्वेतवर्णस्तु वर्षासु पाण्डुः शरदि भास्करः
इति वर्णाः समा ख्याताः सूर्यस्यर्तुसमुद्भवाः
सूर्यो ऽमरेष्वप्यमृतं त्रयं त्रिषु न यच्छति
भिद्यते ऋतुमासाद्य जलशीतोष्णनिस्रवम्
नक्षत्रग्रहसोमानां प्रतिष्ठा योनिरेव च
नक्षत्राधिपतिः सोमो ग्रह राजो दिवाकरः
पठ्यते चाग्निरादित्य उदकं चन्द्रमाः स्मृतः
सुरसेनापतिः स्कन्दः पठ्यते ऽङ्गारको ग्रहः
रुद्रो वैवस्वतः साक्षाद्यमो लोकप्रभुः स्वयम्
देवासुरगुरू द्वौ तु भानुमन्तौ महा ग्रहौ
आदित्यमूलमखिलं त्रैलोक्यं नात्र संशयः
रुद्रोपेन्द्रेन्द्रचन्द्राणां विप्रेन्द्रास्त्रिदिवौकसाम्
सर्वात्मा सर्वलोकेशो महादेवः प्रजापतिः
ततः संजायते सर्वं तत्र चैव प्रलीयते
जगज्ज्ञेयो ग्रहो विप्रा दीप्तिमान्सुप्रभो रविः
क्षणा मुहूर्त्ता दिवसा निशाः पक्षाश्च कृत्स्नशः
तदादित्यादृते ह्येषा कालंसख्या न विद्यते
ऋतूनामविभागाच्च पुष्पमूलफलं कुतः
अभावो व्यवहाराणां जन्तूनां दिवि चैह च
स एष कालश्चाग्निश्च द्वादशात्मा प्रजापतिः
स एष तेचसां राशिस्तमो घ्रन्सार्वलौकिकम्