देवतानामृषीणां च सर्वपापप्रमोचनम्
विस्तरेणानुपूर्व्या च तस्य वक्ष्याम्यनुक्रमम्
कथ्यमानां मया चित्रां बह्वर्थां श्रुतिसंमताम्
स्ववंशं धारणं कृत्वा स्वर्गलोके महीयते
कीर्त्यमानं निबोधार्थं पूर्वेषां कीर्त्तिवर्द्धनम्
कीर्त्तनं स्थिरकीर्तीनां सर्वेषां पुण्यकर्मणाम्
तस्मै हिरण्यगर्भाय पुरुषायेश्वराय च
ब्रह्मणे लोकतन्त्राय नमस्कृत्य स्वयंभुवे
पञ्चप्रमाणं षद्श्रान्तः पुरुषाधिष्ठितं च यत्
अव्यक्तं कारणं यत्तन्नित्यं सदसदात्मकम्
गन्धरूपरसैर्हीनं शब्दस्पर्शविवर्जितम्
विग्रहं सर्वभूतानामव्यक्तमभवत्किल
असांप्रतिकमज्ञेयं ब्रह्म यत्सदसत्परम्
गुणसाम्ये तदा तस्मिन्नविभातं तमोमयम्
गुणभावाद्भासमाने महातत्त्व बभूव ह
सत्त्वोद्रेको महानग्रे सत्त्वमात्रप्रकाशकः
निङ्गमात्रं समुत्पन्नं क्षेत्रज्ञाधिष्टितं महत्
महासृष्टिं च कुरुते वीतमानः सिसृक्षया
मनो महात्मनि ब्रह्म दुर्बुद्धिख्यातिरीश्वरात्
मनुते सर्वभूतानां तस्माच्चेष्टफलो विभुः
तत्त्वानां संग्रहे यस्मान्महांश्च परिमाणतः
विभक्तिमानं मनुते विभागं मन्यते ऽपि वा
बृहत्त्वाद्वृंहणत्वाच्च भावानामखिलाश्रयात्
आपूरयति यस्माच्च सर्वान् देहाननुग्रहैः
तस्मिंस्तु कार्यकरणं संसिद्धं ब्रह्मणः पुरा
स वै शरीरी प्रथमः पुरा पुरुष उच्यते
आदिकर्त्ता स भूतानां ब्रह्माग्रे समवर्त्तिनाम्
सर्गे च प्रतिसर्गे च क्षेत्रज्ञो ब्रह्म संसितः
भजन्ते च पुनर्देहांस्ते समाहारसंधिसु
गर्तोदकं सबुदास्तु हरेयुश्चापि पञ्चताः