तास्त्वहं परिमाणेन नं संख्यातुमिहोत्सहे
तारकासंनिवेशश्च यावद्दिव्यानुमण्डलम्
अत ऊर्ध्वं प्रवक्ष्यामि कृथिव्या वै विचक्षणाः
पृथिवी वायुराकाशमापो ज्योतिश्च पञ्चमम्
जननी सर्वभूतानां सर्वसत्त्वधरा धरा
नानानदनदीशैला नैकजातिसमाकुला
नदीनदससुद्रस्थास्तन्था क्षुद्राश्रयस्थिताः
आपो ऽनन्ता हि विज्ञेयास्तथाग्निः सर्वलोकगः
तथाकाशमनालेख्यं रम्यं नानाश्रयं स्मृतम्
आपः पृथिव्यामुदके पृथिव्युपरि संस्थिताः
एवं मतमनन्तस्य भौतिकस्य न विद्यते
भूमिर्जलमथा काशमिति या या परंपरा
दशयोजनसाहस्रमेकं भौमं रसातलम्
प्रथमं तत्वलं नाम सुतलं तु ततः परम्
ततोर्ऽवाक्च तलं नाम परतश्च रसातलम्
कृष्णभौमश्च प्रथमो भूमिभागः प्रकीर्त्तितः
पीतभौमश्चतुर्थस्तु पञ्चमः शर्करामयः
प्रथमे ऽस्मिंस्तले ख्यातमसुरेद्रस्य मन्दिरम्
पुरं च शङ्कुकर्णस्य कबन्धस्य च मन्दिरम्
राक्षसस्य च भीमस्य शूलदन्तस्य चालयम्
धनञ्जयस्य च पुरं नागेन्द्रस्य महात्मनः
एवं पुरसहस्राणि नागदानवरक्षसाम्
द्वितीये सुतले विप्रा दैत्येन्द्रस्य च रक्षसः
इयग्रीवस्य कृष्णस्य निकुम्भस्य च मन्दिरम्
राक्षसस्य च नीलस्य मेघस्य कथनस्य च
कंबलस्य च नागस्य पुरमश्वतरस्य च
एवं पुरसहस्राणि नागदानवरक्षसाम्
तृतीये तु तले ख्यातं प्रह्लादस्य महात्मनः
तारकाश्यस्य च पुरं पुरं त्रिशिरसस्तथा
पुरञ्जनस्य दैत्यस्य हृष्टपुष्टजनाकुलम्