अनन्तम कृतात्मानमनादिनिधनं च यत्
नैकयोजनसाहस्रं विप्रकृष्टमनावृतम्
देवानामप्यविदितं व्यवहारविवर्जितम्
मर्यादायामनन्तस्य देवस्यायतनं महत्
महतो देवदेवस्य मर्यादा या व्यवस्थिताः
ते लोका इत्यभिहिता जगतस्च न संशयः
सप्तस्कन्धस्तथा वायोः सब्रह्मसदना द्विजाः
प्रमाणमेतज्जगत एष संसारसागरः
विचित्रा जगतः सा वै प्रकृतिर्ब्रह्मणः स्थिता
अतीन्द्रियेर्महाभागैः सिद्धैरपि न लक्षितः
मानसस्य तु देहस्य अनन्तस्य द्विजोत्तमाः
अनन्त एष सर्वत्र एवं ज्ञानेषु पठ्यते
यः पद्मनाभनाम्ना तु तत्कार्त्स्न्येन च कीर्त्तितः
भूमौ रसातले चैव आकाशे पवने ऽनले
तथा तमसि विज्ञेय एष एव महाद्युतिः
सर्वलोकेषु लोकेश इज्यते बहुधा प्रभुः
आधाराधेयभावेन विकारास्ते ऽविकारिणः
परस्परधिकाश्चैव प्रविष्टास्ते परस्परम्
प्रागासन्नविशेषास्तु विशेषो ऽन्यविशेषणात्
गुणोपचयसारेण परिच्छेदो विशेषतः
भूतेभ्यः परतस्तेभ्यो व्यालोका सा धरा स्मृता
पात्रे महति पात्राणि यथैवान्तर्गतानि तु
तथा ह्यालोक आकाशे भेदास्त्वन्तर्गता मताः
यावदेतानि भूतानि तावदुत्पत्तिरुच्यते
प्रत्या ख्याय तु भूतानि कार्योत्पर्त्तिन विद्यते
कारणात्मकास्तथैक स्युर्भेदा ये महदादयः
सप्तद्वीपसमुद्राड्यो याथातथ्यन वै द्विजाः
वैश्वरूप्रधानस्य परिणामैकदेशिकः
एवंभूतगणाः सप्त सन्निविष्टाः परस्परम्
एतावदेव श्रोतव्यं संनिवेशे तु पार्थेवे