चतुर्थः पुष्पवान्नाम पञ्चमस्तु कुशेशयः
मन्दा इति ह्यपा नाम मन्दरो दारणादयम्
उद्भिदं प्रथमं वर्षं द्वितीयं वेणुमण्डलम्
पञ्चमं धृतिमद्वर्षं षष्ठं वर्षं प्रभाकरम्
एतेषु देवगन्धर्वाः प्रजास्तु जगदीश्वराः
न तेषु दस्यवः संति म्लेच्छ जातय एव च
तत्रापि नद्यः सप्तैव धूतपापाशिवा तथा
अन्यास्ताभ्यो ऽपरिज्ञाताः शतशो ऽथ सहस्रशः
घृतोदेन कुशद्वीपो बाह्यतः परिवारितः
इत्येष सन्निवेशो वः कुशद्वीपस्य कीर्त्तितः
कुशद्वीपस्य विस्ताराद्द्विगुणः स तु वै स्मृतः
तस्मिन्द्वीपे नगश्रेष्ठः क्रैञ्चस्तु प्रथमो गिरिः
अन्धकारात्परश्चापि दिवावृन्नाम पर्वतः
द्विविदात्परतश्चापि पुण्डरीको महागिरिः
एते रत्नमयाः सप्त क्रैञ्चद्वीपस्य पर्वताः
परस्परेण द्विगुणा विस्तृता हर्षवर्द्धनाः
क्रैञ्चस्य कुशलो देशो वामनस्य मनोनुगः
उष्णात्परः पीवरकः पीवरादन्धकारकः
मुनिदेशात्परश्चैव प्रोच्यते दुन्दुभिस्वनः
तत्रापि नद्यः सप्तैव प्रतिवर्ष स्मृताः शुभाः
ख्यातिश्च पुण्डरीका च गङ्गाः सप्तविधाः स्मृताः
अभिगच्छन्ति ताः सर्वा विपुलाः सुबहूदकाः
आवृतः सर्वतः श्रीमान्क्रैञ्चद्वीपसमेन तु
तेषां निसर्गोद्वीपानामानुपूर्व्येण सर्वशः
निसर्गो यः प्रजानां तु संहारो यश्च तासु वै
शृणुध्वं तु यथातथ्यं ब्रुवतो मे यथार्थवत्
परिवार्य समुद्रं स दधिमण्डोदकं स्थितः
कुत एव च दुर्भिक्षं जराव्याधिभयं कुतः
रत्नाकरास्तथा नद्यस्तेषां नामानि मे शृणु
प्रागायतः स सौवर्णो ह्युदयो नाम पर्वतः