प्रथमः सूर्यसंकाशः कुमुदो नाम पर्वतः
द्वितीयः पर्वतश्चात्र ह्युत्तमो नाम विश्रुतः
तृतियः पर्वतस्तत्र बलाहक इति श्रुतः
चतुर्थः पर्वतो द्रोणो यत्र सा वै सहोषधिः
कङ्कस्तु पञ्चमस्तत्र पर्वतः सुमहोदयः
षष्ठस्तु पर्वतस्तत्र महिषो मेघसन्निभः
सप्तमः पर्वतस्तत्र ककुद्मान्नाम भाष्यते
प्रजापतिमुपादाय प्रजाभ्यो विधिवत्स्वयम्
तेषां वर्षाणि वक्ष्यामि सर्पैव तु शुभानि वै
बलाहकस्य जीमूतं द्रोणस्य हरितं स्मृतम्
ककुदः सुप्रदं नाम सप्तैतानि तु सप्तधा
ज्योतिः शान्तिस्तथा तुष्टा चन्द्रा शुक्रा विमोचनी
तासां समीपगाश्चान्याः शतशो ऽथ सहस्रशः
इत्येष संनिवेशो वः शाल्मलस्य प्रकीर्त्तितः
शाल्मलिर्विपुलस्कन्धस्तस्य नाम्ना स उच्यते
विस्तराच्छाल्मलस्वैव समे न तु समन्ततः
यथाश्रुतं यथान्यायं ब्रुवतो मे निबोधत
सुरोदकः परिवृतः कुशद्वीपेन सर्वतः
सप्तैव च गिरींस्तत्र वर्ण्यमानान्निबोधत
द्वीपस्य प्रथमस्तस्य द्वितीयो हेमपर्वतः
चतुर्थः पुष्पवान्नाम पञ्चमस्तु कुशेशयः
मन्दा इति ह्यपा नाम मन्दरो दारणादयम्
उद्भिदं प्रथमं वर्षं द्वितीयं वेणुमण्डलम्
पञ्चमं धृतिमद्वर्षं षष्ठं वर्षं प्रभाकरम्
एतेषु देवगन्धर्वाः प्रजास्तु जगदीश्वराः
न तेषु दस्यवः संति म्लेच्छ जातय एव च
तत्रापि नद्यः सप्तैव धूतपापाशिवा तथा
अन्यास्ताभ्यो ऽपरिज्ञाताः शतशो ऽथ सहस्रशः
घृतोदेन कुशद्वीपो बाह्यतः परिवारितः
इत्येष सन्निवेशो वः कुशद्वीपस्य कीर्त्तितः