तिस्रः प्ताचीमिमुखं प्रतीचीं तिस्र एव तु
नलिनी ह्लादिनी चैव पावनी चैव प्राच्यगाः
सप्तमी त्वन्वगात्तासां दक्षिणेन भगीरथम्
सप्तैता भावयन्तीदं हिमाह्वं वर्षमेव तु
नानादेशान्प्लावयन्त्यो मलेच्छप्रायास्तु सर्वशः
शिलीन्ध्रान्कुन्त लांश्चीनान्बर्बरान्यवनाध्रकान्
कृत्वा त्रिधा सिंहवन्तं सीतागात्पश्चिमोद धिम्
भद्रास्तुषारांल्लाम्याकान्बाह्लवान्पारटान्खशान्
दरदांश्च सकाश्मीरान् गान्धरान् रौरसान् कुहान्
सैन्धवान्रन्ध्रकरकाञ्छमठाभीररोहकान्
गन्धर्वकिन्नरान्यक्षान्रक्षोविद्याधरोरगान्
किरातांश्चपुलिन्दांश्च कुरून् सभरतानपि
सुह्मोत्तरांश्च वङ्गांश्च ताम्रलिप्तांस्तथैव च
ततः प्रतिहता विन्ध्यात्प्रविष्टा लवणोदधिम्
प्रावयन्त्युपभागांश्च नैषधांश्च त्रिगर्त कान्
केकरानौष्टकर्णांश्च किरातानपि चैव हि
आमण्डलं समुद्रस्य तिरोभूतांश्च पूर्वतः
सुपथान्पावयं तीह त्विन्द्रद्युम्नसरोपि च
मध्यतोजानकिमथो कुथप्रावरणान्ययौ
ततस्तु नलिनी प्रायात् प्राचीमाशां जवेन तु
पूर्वन्देशांश्च सेवन्ती भित्त्वा सा बहुधागिरीन्
सिकतापर्वतमरुं गत्वा विद्याधरान्ययौ
तासां नद्युपनद्यश्च शतशो ऽथ सहस्रशः
वक्वौकसायास्तीरे तु वनं सुरभि विश्रुतम्
यज्ञोपेतश्च सुमहानमितौजाः सुविक्रमः
कुबेरानुचरा ह्येते चत्वारस्तु समाः स्मृताः
परस्परेण द्विगुणा धर्मतः कामतोर्ऽथतः
मनस्विनीप्रभवति तस्माज्ज्योतिष्मती च या
सरो विष्णुपदं नाम निषधे पर्वतोत्तमे
मेरोः पार्श्वात्प्रभवति ह्रदश्चन्द्रप्रभो महान्