नवस्वेतेषु वर्षेषु यथाभागं स्थितेषु वै
न संख्या परिसंख्यातुं श्रद्धेया तु बुभूषताम्
तस्मिन्निवसति श्रीमान्कुबेरः सह राक्षसैः
कैलासपादात्संभूतं पुण्यं शीतजलं शुभम्
तस्माद्दिव्यात्प्रभवति नदी मन्दाकिनी शुभा
प्रागुत्तरेम कैलासाद्दिव्यं सर्वौंषधि गिरिम्
चन्द्रप्रभो नाम गिरिः सुशुभ्रो रत्नसन्निभः
तस्माद्दिव्यात्प्रभवति स्वच्छोदा नाम निम्नगा
तस्मिन् गिरौ निवसति मणिभद्रः सहानुगः
पुण्या मन्दाकिनी चैव नदी स्वच्छोदका च या
कैलासाद्दक्षिणे प्राच्यां शिवसत्त्वौषधिं गिरिम्
लोहितो हेमशृङ्गश्च गिरिः सूर्यप्रभो महान्
तस्मात्पुण्यः प्रभवति लौहित्यः स नदो महान्
तस्मिन्गिरौ निवसति यक्षो मणिधरो वशी
कैलासाद्दक्षिणे पार्श्वे क्रूरसत्त्वौषधिर्गिरिः
सर्वधातुमयस्तत्र सुमहान्वैद्युतो गिरिः
तस्मात्प्रभवेते पुण्या सरयूर्लोकविश्रुता
कुबेरा नुचरस्तत्र प्रहेतितनयो वशी
अतरिक्षचरैर्घोरैर्यातुधानशतैर्वृतः
अरुणः पर्वतश्रेष्ठो रुक्मधातुमयः शुभः
शातकैंभमयैः शुभ्रैः शिलाजालैः समावृतः
मुञ्जवास्तु महादिव्यो दुर्गः शैलो हिमाचितः
तस्या पादात्प्रभवति शैलोदं नाम तत्सरः
सा चक्षुः सीतयोर्मध्ये प्रविष्टा लवणोदधिम्
सव्योत्तरेण कैलासाच्छिवः सत्त्वौषधिर्गिरिः
हिरण्यशृङ्गः सुमहान् दिव्यो मणिमयो गिरिः
रम्यं बिन्दुसरो नाम यत्र राजा भगीरथः
दिवं यास्यन्ति ते बुर्वे गङ्गतोयपरिप्लुताः
सोमपादात्प्रसूता सा सप्तधा प्रतिपद्यते
तत्रेष्ट्वा तु गतः सिद्धिं शक्रः सर्वैः सुरैः सह