अतः पुर्वरोद्देशस्तेन जज्ञे मनोरमः
अपरान्ताश्च मुह्माश्च पाञ्चलाश्चर्ममण्डलाः
चीनाश्चैव तुषाराश्च पल्लवा गिरिगह्वराः
अभीषाहा उलूताश्च केकया दशामालिकाः
कांवोजा दरदाश्चैव बर्बरा अङ्गलौहिकाः
लमकास्तालशालाश्च भूषिका ईजिकैः सह
तोमरा हंसभङ्गाश्च काश्मीरास्तङ्गणास्तथा
झिल्लिकाश्चाहुकाश्चैव हूणदर्वास्तथैव च
ततः प्लवङ्गवो ज्ञेया मलदा मलवर्तिकाः
प्राग्ज्योतिषाश्च पुण्ड्राश्च विदेहास्ताम्रलिप्तकाः
अथापरे जनपदा दक्षिणापथवासिनः
सेतुका मूषिकाश्चैव क्षपणा वनवासिकाः
आभीराश्च सहैषीका आटव्या सारवास्तथा
पौरिका मौलिकाश्चैव श्मका भोगवर्द्धिनाः
दाक्षिणाश्चैव ये देशा अपरांस्तान्निबोधत
पौलेयाश्च किराताश्च रूपकास्तापकैः सह
नासिकाश्चैव ये चान्ये ये चैवान्तरनर्मदाः
कच्छिपाश्च सुराष्ट्राश्च आनर्ताश्चर्बुदैः सह
मलदाश्च करूथाश्च मेकलाश्चैत्कलैः सह
तोशलाः कोशलाश्चैव त्रैपुरा वैदिशास्तथा
अनूपास्तुण्डिकेराश्च वीतिहोत्रा ह्यवन्तयः
अतो देशान्प्रवक्ष्यामि पर्वताश्रयिणश्च ये
अपप्राव रणाश्चैव ऊर्णा दर्वाः सहूहुकाः
चत्वारि भारते वर्षे युगानि ऋषयो ऽब्रुवन्
तेषां निसर्गं वक्ष्यामि उपरिष्टादशेषतः
आचक्ष्व नो यथातत्त्वं कीर्त्तितं भारतं त्वया
प्लक्षखण्डः किंपुरुषे सुमहान्नन्दनोपमः
सुवर्णवर्णाः पुरुषाः स्त्रियश्चाप्सरसो पमाः
जायन्ते मानवास्तत्र निस्तप्तकनकप्रभाः
तस्य किंपुरुषाः सर्वे ऽपिबन् हि रसमुत्तमम्