महाकाली सरस्वत्यौ सर्वसिद्धिसमन्विते
लंबोदरी भूतमता द्राविणी नागरी तथा
कोटरा पूतना भद्रा काली योगिन्य एव च
कपर्दिनी तथा वज्रा जया च सुमुखेश्वरी
रक्षावधारिणी चान्या तथा च सहजाह्वया
द्विरुक्तवालाया वर्णै रङ्गं कृत्वाथ केवलैः
विघ्नेशादींस्तु तत्रादौ विन्यसेद्ध्यानपूर्वकम्
पाशाङ्कुशवराभीतिहस्ताञ्छक्तिसमन्वितान्
विघ्नकृद्विघ्नहन्ता च विघ्नराढ्गणनायकः
कपर्दवान्दीर्घमुखः शङ्कुकर्णो वृषध्वजः
लम्बोदरो महानादश्चतुर्मूर्तिः सदाशिवः
एकपादो द्विपादश्च शूरो वीरश्च षण्मुखः
सेनानीर्ग्रामणीर्मत्तो मत्तमूषकवाहनः
भङ्यप्रियो गणेशश्च मेघनादो गणेश्वरः
श्रीश्च ह्रीश्चैव पुष्टिश्च शान्तिस्तुष्टिः सरस्वती
तीव्रा च ज्वालिनी नन्दा सुयशाः कामरूपिणी
कामार्त्ता मदजिह्वा च विकटा घूर्णितानना
विकर्णभ्रुकुटी लज्जा दीर्घघोणा धनुर्धरी
लोलाक्षी चपला ऋज्वी दुर्भगा सुभगा शिवा
ग्रहन्यासं ततः कुर्याद्ध्यानपूर्वं समाहितः
कुङ्कुमक्षीररुधिरकुन्दकाञ्चनकंबुभिः
हृदयाधो रविं न्यस्य शीर्ष्णि सोमं दृशोः कुजम्
नाभौ शनैश्चरं वक्त्रे राहुं केतुं पदद्वये
तारा न्यसेत्ततो ध्यायन्सर्वाभरणभूषिताः
कण्ठे स्कन्धद्वये पश्चात्कूर्पयोर्मणिबन्धयोः
योगिनीन्यासमादध्या द्विशुद्धो हृदये तथा
पद्मेन्दुकर्णिकामध्ये वर्णशक्तीर्दलेष्वथ
अमृता नन्दिनीन्द्राणी त्वीशानी चात्युमा तथा
एकपादात्मिकैश्वर्यकारिणी चौषधात्मिका
कालिका खेचरी गायत्री घण्टाधारिणी तथा