संक्षोभिण्याख्यामुद्रां तु कथयाम्यधुना श्रुणु
तर्जन्यो दण्डवत्कृत्वा मध्यमोपर्यनामिके
क्रियते विन्ध्यदर्पारे मुद्रा विद्राविणी तथा
इयमाकर्षिणी मुद्रा त्रैलोक्याकर्षणे क्षमा
परिवर्तक्रमेणैव मध्यमे तदधोगते
अनामिके तु सरले तद्बहिस्तर्जनीद्वयम्
मुद्रैषोन्मादिनी नाम्ना ख्याता वातापितापन
तर्जन्यावपि तेनैव क्रमेण विनियोजयेत्
इयं महाङ्कुशा मुद्रा सर्वकार्यार्थसाधिका
तर्जनीभ्यां समाक्रान्ते सर्वोर्ध्वमपि मध्यमे
एतद्विज्ञानमात्रेण योगिनीनां प्रियो भवेत्
तर्जन्यङ्गुष्ठयुगलं युगपद्योजयेत्ततः
बीजमुद्रेयमाचिरात्सर्वसिद्धप्रवर्तिनी
अनामिकामध्यगते तथैव हि कनिष्टिके
एषा तु प्रथमा मुद्रा योनिमुद्रेति संज्ञिता
पूजाकाले प्रयोक्तव्या यथानुक्रमयोगतः
श्रीदेवीदर्शने दीक्षा यादृशी तां निवेदय
क्षाल्यन्ते च तथा पुसां दीक्षामाचक्ष्महे ऽत्र ताम्
गुरुः स्पृशेच्छिष्यतनुं स्पर्शदीक्षेयमीरिता
सम्यक्पश्येद्गुरुः शिष्यं दृग्दीक्षा सेयमुच्यते
सद्यः सञ्जायते ज्ञानं सा दीक्षा शाम्भवी मता
तत्प्रसादेन शिष्यो ऽपि तद्रूपः सम्प्रकाशते
तूष्णीं संकल्पयेच्छिष्यं सा दीक्षा मानसी मता
आदौ कुर्यात्क्रियादीक्षां तत्प्रकारः प्रवक्ष्यते
जिह्वास्यमलशुद्धिं च कृत्वा स्नात्वा यथाविधि
एकान्ते निवसञ्छ्रीमान्मौनी च नियताशनः
देवीसूक्तेन संयुक्तं विद्यान्यासं समातृकम्
आवाहना सने पाद्यमर्ध्यमाचमनं तथा
धूपदीपौ च नैवेद्यं ताम्बूलं च प्रदक्षिणा
अथ पुष्पाञ्जलिं दद्यात्सहस्राक्षरविद्यया