सर्वेषामपि भक्तानां काङ्क्षितं पूरयत्यलम्
उपास्य विधिवद्भक्त्या प्राप्ताः कामानशेषतः
अनेके च भविष्यन्ति कामाक्ष्याः करुणादृशः
नाहं न शम्भुर्न ब्रह्मा न विष्णुः किमुतापरे
शृण्वतां पठतां चापि सर्वपापहरं स्मृतम्
उपदेष्टा च कीदृक्स्याच्छिष्यो वा कीदृशः स्मृतः
स्वामिन्मयि कृपादृष्ट्या सर्वमेतन्निवेदय
सैषैव हि महालक्ष्मीः स्फुरच्चैवात्मनः पुरा
अस्य चक्रस्य माहात्म्यमपरिज्ञेयमेव हि
कामसंमोहिनीरूपं भेजे राजीवलोचनः
मुनीनां मोहनश्चासीत्स्मरो यद्वरिवस्यया
निधाय गन्धैरभ्यर्च्य षोडशाक्षरविद्यया
सहस्रैर्मूलमन्त्रेण श्रीदेवीध्यानसंयुतः
अनवद्यैश्च नैवेद्यैर्माषापूपैर्मनोहरैः
महसा तस्य सांनिध्यमाधत्ते परमेश्वरी
धवलै कुसुमैश्चक्रमुक्तरीत्या तु योर्ऽचयेत्
सार्वभौमं च राजानं दासवद्वशयेदसौ
तस्य वक्षस्थले नित्यं साक्षाच्छ्रीर्वसति ध्रुवम्
सुगन्धैरेव कुसुमैः पुष्पैश्चाभ्यर्चर्योच्छवाम्
श्रीविद्यैषा परा विद्या नायिका गुरुनायिका
कामराजान्तमन्त्रान्ते श्रीबीजेन समन्वितः
इत्थं रहस्यमाख्यातं गोपनीयं प्रयत्नतः
सर्वेषा मपि मन्त्राणां विद्यैषा प्राणरूपिणी
संस्मृता पापहरणी जरामृत्युविनाशिनी
स्तुता विघ्नौघशमिनी ध्याता सर्वार्थसिद्धिदा
भजेद्यः परमेशानीमभीष्टफलमाप्नुयात्
पूजयेद्धवलैः पुष्पैर्ब्रह्मचर्ययुतो नरः
संकल्पधवलैर्वापि पूजयेत्परमेश्वरीम्
षोडशाक्षरविद्यां तामर्चयेच्छुद्धमानसः
अनुलोमविलोमेन प्रजपन्मात्रिकाक्षरैः