श्रीकामकोष्ठनिलयं महात्रिपुरसुन्दरीम्
प्रणिपत्य तु साष्टाङ्गं भार्यया सह भक्तिमान्
दुर्वासा सशिष्येण पूजार्थं पूर्वकल्पिते
तत्र स्वगुरुणोक्तं च कृत्वा स्वात्मार्घपूजनम्
तदेवात्रापि संदध्यौ सन्निधौ राजसत्तमः
दिव्यान्यायतनान्यस्यै दत्त्वा स्तोत्रं चकार ह
पीतांबरस्फुरितपेशलहेमकाञ्चि केयूरकङ्कणपरिष्कृतबाहुवल्लि
वक्षोजमण्डलविलासिवलक्षहारि पाशाङ्कुशाङ्गदलसद्भुजशोभिताङ्गि
वामे करे सरसिजं सुबिसं दधाने कारुण्यनिर्झरदपाङ्गयुते महेशि
मन्दस्मितस्फुरणशालिनि मञ्जुनासे नेत्रश्रिया विजितनीलसरोजपत्रे
रत्नानुबद्धतपनीयमहाकिरीटे सर्वाङ्गसुन्दरि समस्तसुरेन्द्रवन्द्ये
इन्द्रादिदेवपरिसेवितपादपद्मे सिंहासनेश्वरी परे मयि संनिदध्याः
तस्यास्तु दक्षिणे भागे महागौरीं ददर्श ह
दत्त्वा चास्यै महार्हाणि वासांसि विविधानि च
ततः प्रदक्षिणीकृत्य निर्गत्य सह भार्यया
तामेव चिन्तयंस्तत्र सप्तरात्रमुवास सः
अम्बाभीष्टं प्रदेहीति प्रार्थयामास चेतसा
भविष्यन्ति मदंशास्ते चत्वारस्तनया नृप
श्रियं प्रणम्य साष्टाङ्गमननन्यशरणः पराम्
अयोध्यां नगरीं प्रापदिन्दुमत्यास्तु नन्दनः
सर्वेषामपि भक्तानां काङ्क्षितं पूरयत्यलम्
उपास्य विधिवद्भक्त्या प्राप्ताः कामानशेषतः
अनेके च भविष्यन्ति कामाक्ष्याः करुणादृशः
नाहं न शम्भुर्न ब्रह्मा न विष्णुः किमुतापरे
शृण्वतां पठतां चापि सर्वपापहरं स्मृतम्
उपदेष्टा च कीदृक्स्याच्छिष्यो वा कीदृशः स्मृतः
स्वामिन्मयि कृपादृष्ट्या सर्वमेतन्निवेदय
सैषैव हि महालक्ष्मीः स्फुरच्चैवात्मनः पुरा
अस्य चक्रस्य माहात्म्यमपरिज्ञेयमेव हि
कामसंमोहिनीरूपं भेजे राजीवलोचनः