तिस्रः कोट्योर्ऽधकोटी च या यास्तीर् थाधिदेवताः
श्रीदेवीमुपतस्थाते वीजयन्त्यौ यथोचितम्
आदिश्रीनयनोत्पन्ने ते उभे भारतीश्रियौ
तदुच्चारणमात्रेण श्रीदेवी शं प्रयच्छति
अथ सा जगदीशानी वेदवेदाङ्गपारगे
पश्यतां सर्वदेवानां विधातुर्मुखमाविशत्
तदाज्ञां शिरसा धृत्वा रमा विष्णुश्च भक्तितः
प्रार्थयामासतुर्भूयस्तदावरणदेवताम्
तदावरणदेवत्वं प्राप्तौ पद्माच्युतौ तदा
तत्र यातो महागौर्याः प्रतिबिंबो मनोहरः
तरुणारुणराजाभसैन्दर्यचरणद्वयः
विद्युदुल्लासितस्वानमनोज्ञमणिमेखलः
मुक्तावैदूर्यमाणिक्य निबद्धवरबन्धनः
जाह्नवीसरिदावर्तशोभिनाभीविभूषितः
आमुक्तमुक्तालङ्कारभासुरस्तनकुञ्चुकः
माणिक्यशकलाबद्धमुद्रिकाभिरलङ्कृतः
आभात्याप्रपदीनस्रग्दिव्याकल्पकदंबकैः
तप्तहाटकसंकॢप्तरत्नग्रीबोपशोभितः
पालीवतंसमाणिक्यताटङ्कपरिभूषितः
दाडिमीफलबीजाभदन्तपङ्क्तिविराजितः
औपम्यरहितोदारनासामणिमनोहरः
ईषदुन्मेषमधुरनीलोत्पलविलोचनः
अर्द्धेन्दुतुलितो भाले पूर्णेन्दुरुचिराननः
मत्तालिमालाविलसदलकाढ्यमुखांबुजः
अत्यर्थरत्नखचितमुकुटाञ्चितमस्तकः
शिवो विष्णुश्च तत्रत्याः समस्ताश्च महाजनाः
अथ तर्हि महेशानी स्वतन्त्रा प्रविवेश ह
दृष्ट्वा भूयो नमस्कृत्य पुनः प्रार्थितवान्विधिः
किञ्चिद्विज्ञापयाम्यद्य शृणु तत्कृपया मम
कर्तव्यो जगतामृद्धसेवायै च दिवौकसाम्