ऊरुस्तम्भेन निष्पन्दा नमितास्याश्च लज्जया
अन्यमाकारमिव च प्राप्ता मानसजन्मना
वीक्ष्यमाणा इवानङ्गशरपावकवृष्टिभिः
सिच्यमानाः श्रमजलैः शुच्यमानाश्च लज्जया
लोकाद्भयं बन्धुभयं परलोकभये तथा
यत्र कुत्रापि तिष्ठन्तं तं धावन्ति मृगीदृशः
तद्वद्भ्रमन्ति चित्तानि दर्शने तस्य सुभ्रुवाम्
तं सेवन्ते समस्तानां विद्यानामपि पङ्क्तयः
अन्यासां तु वराकीणां वक्तव्यं किं तपोधन
तत्कीर्तिघोषणा पुण्या सदा द्युसद्द्रुमायते
तद्गुणा एव घोक्ष्यन्ते सर्वत्र कविपुङ्गवैः
ये ध्यायन्ति महादेवीं तास्ताः सिद्धीर्भञ्जति ते
अहश्चक्रे ज्वलज्ज्वालश्चिन्तनीयस्तु मूलके
नीभालनीये ऽहश्चक्रे आबालान्तज्वलच्छिखः
नीभालनीयस्तार्तीयखण्डो दुरितखण्डकः
रक्तसंध्यकरोचिः स्याद्वशीकरणकर्मणि
नीला च मूकीकरणे पीता स्तंभनकर्मणि
धनलाभे सुवर्णाभा चिन्त्यते ललितांबिका
ये ध्यायन्ति महापुञ्जं ते स्युः संसिद्धसिद्धयः
प्राप्यते सद्भिरेवैषा नासद्भिस्तु कदाचन
न तेन लभ्यते विद्या ललिता परमेश्वरी
तद्वंश्याः सर्व एव स्युर्मुक्तास्तृप्ता न संशयः
वेदाः समस्तशास्त्राणि स्तुवन्ति ललितेश्वरीम्
इयमेव महत्तीर्थमियमेव महत्फलम्
अर्चन्तीमां सुरश्रेष्ठा ब्रह्माद्याः पञ्चसिद्धिदाम्
दैवबाह्यैर्वृथातर्कैर्वृथा विभ्रान्त बुद्धिभिः
दर्शनद्वेषिभिः पापशीलैराचारनिन्दकैः
एतादृशानां मर्त्यानां देवानां चातिदुर्लभा
भण्डासुर वधायैषा प्रादुर्भूता चिदग्नितः
कामाक्षीति विधात्रा तु प्रस्तुता ललितेश्वरी