चतुर्दश वसंत्येव तासां नामानि मच्छृणु
सर्वाकर्षणिका शाक्तिः सर्वाह्लादनिका तथा
सर्वजृंभिणिका शक्तिस्तथा सर्ववशङ्करी
सर्वार्थसाधिका शक्तिः सर्वसंपत्तिपूरिणी
एताश्च संप्रदायाख्याश्चक्रिणीपुरवासिनीः
कोटिशः शक्तयस्तत्र तासां किङ्कर्य्य उद्धृताः
सर्वसिद्धादिकानां तु मन्दिरं विष्ट्यमुच्यते
सर्वप्रियङ्करी देवी सर्वमङ्गलकारिणी
सर्वमृत्युप्रशमिनी सर्वविघ्ननिवारिणी
एता देव्यः कलोत्कीर्णा योगिन्यो नामतः स्मृताः
सर्वोन्मादनमुद्राश्च चक्रस्य परिपालिकाः
हस्तविंशतिरुन्नम्रं चतुर्नल्वप्रविस्तरम्
चक्रं महत्तरं दिव्यं सर्वज्ञाद्याः प्रकीर्तिताः
सर्वज्ञानमयी देवी सर्वव्याधिविनाशिनी
सर्वानन्दमयी देवी सर्वरक्षास्वरूपिणी
सर्वेप्सितप्रदा चैता निर्गर्वा योगिनीश्वराः
चक्राणि कानिचित्प्रोक्तान्यन्यान्यपि मुने शृणु
हस्तविंशतिरुन्नम्रं चतुर्नल्वप्रविस्तरम्
सर्वरोगहरं नाम्ना तच्चक्रमिति विश्रुतम्
स्वरैस्तु रहितास्तत्र प्रथमा वशिनीश्वरी
चवर्गजुष्टा वागीशी मोदिनी स्यात्तृतीयका
तवर्गेण तथोपेता पञ्चमी वाक्प्रधारणा
यादिवर्णचतुष्कोणे सर्वैश्वर्यादिवाङ्मयी
एता देव्यो जपरता मुक्ताभरणमण्डिताः
विनोदयन्त्यः श्रीदेवीं वर्तन्ते कुम्भसम्भवः
नायिका स्वस्य चक्रस्य सिद्धानाम्ना प्रकीर्तिता
वशिन्याद्यन्तरालस्योपरिष्टाद्विन्ध्यमर्दन
अस्त्रं चक्रमितिज्ञेयं तत्र बाणादिदेवताः
अङ्कुशद्वितयं दीप्तमादिस्त्रीपुंसयोर्द्वयोः
पाशद्वयं च दीप्ताभं चत्वार्यस्त्राणि कुम्भज