अणिमा महिमा चैव लघिमा गरिमा तथा
इच्छा प्राप्तिः सर्वकामेत्येताः सिद्धय उत्तमाः
खड्गसिद्धिः पादुकाया सिद्धिरञ्जनसिद्धिकः
एता अष्टौ सिद्धयस्तु बह्व्यो ऽन्या योगिसंमताः
कोटिशः सिद्धयस्तस्मिन्नणिमाद्यन्तरे मुने
अत्युदारप्रकृतयः खेलन्ति मदविह्वलाः
हस्तविंशतिरुन्नम्रं चतुर्नल्वप्रविस्तरम्
ब्रह्माद्यंबरधिष्ण्यं स्यात्तत्रदेवीः स्थिताः शृणु
महालक्ष्मीरष्टमी तु तत्रैताः कृतमन्दिराः
पूर्वादिदिशमारभ्य प्रादक्षिण्यकृतालयाः
मुद्रान्तरमिति त्रैधं तत्र मुद्राः कृतालयाः
खेचरी बीजयोन्याख्या त्रिखण्डा दशमी पुनः
अत्यन्तसुन्दराकारा नवयौवनविह्वलाः
सेवन्ते मुनिशार्दूल ललितापरमेश्वरीम्
एतस्मिञ्छक्तयो यासु ता उक्ताः प्रकटाभिधाः
तच्चक्रपालनकरी मुद्रासंक्षोभणात्मिका
पर्वतश्चैव सोपानमुत्तरोत्तरमिष्यते
परितः कृतसंस्थानाः षोडशेन्दुकलात्मिकाः
तासां नामानि मत्तस्त्वमवधारय कुम्भज
रसाकर्षणिका नित्या गन्धाकर्षणिका कला
स्मृत्याकर्षणिका नित्या नामाकर्षणिका कला
अमृताकर्षणी चान्या शरीराकर्षणी कला
सर्वाशापूरिकाभिख्या चक्राधिष्ठानदेवता
नित्या कलान्तरादूर्ध्वं धिष्ण्य मत्यन्तसुन्दरम्
प्राग्वत्सोपानसंयुक्तं सर्वसंक्षोभणाभिधम्
नवतारुण्यमच्चाश्च सेवन्ते परमेश्वरीम्
रेखा वेगिन्यङ्कुशा च मालिन्यष्टौ च शक्तयः
सर्वसंक्षोभमिदं चक्रं तदधिदेवता
तच्चक्रपालनकरी मुद्राकर्षणिका स्मृता
संक्षोभिण्याद्यन्तरं स्यात्सर्वसौभाग्यदायकम्