परितस्थलपद्मानि महाकाण्डानि संति वै
पत्राणि तालदशकमात्रायामानि संति वै
दशतालसमुन्नम्रः कर्णिकाः परिकीर्तिताः
बहुशः संति पद्मानि कोडीनामपि कोडिशः
क्रोशोन्नतो वह्निरूपो वर्तुलाकारसंस्थितः
अर्घ्यपात्रमहाधारो वर्तते कुम्भसम्भव
धूम्रार्चिःप्रमुखा भान्ति कला दश विभावसोः
परिष्वज्यैव परितो वर्तन्ते मन्मथालसाः
एता दशकलाः प्रोक्ता वह्नेराधाररूपिणः
सूर्यस्त्रिलोकीतिमिरप्रध्वंसप्रथितोदयः
योजनायामविस्तारं महाज्योतिः प्रकाशितम्
वर्तन्ते द्वादश कला अतिभास्वररोचिषः
सुषुम्णा भोगदा विश्वा बोधिनी धारिणी क्षमा
सर्वौंषधि रसाढ्यं च हृद्यसौरभसंयुतम्
वास्यमानं सदा हृद्यं शीतलं लघु निर्मलम्
सदा शब्दायमानं च भासतेर्ऽचनकारणम्
निशाकरकला हृद्याः क्रीडन्ति नवयौवनाः
शशिनी चन्द्रिका कान्तिर्ज्योत्स्ना श्रीः प्रीतिरङ्गदा
नवयौवनसंपूर्णाः सदा प्रहसिताननाः
जरा सिद्धिरिति प्रोक्ताः क्रीडन्ति ब्रह्मणः कलाः
वरदाह्लादिनी प्रीतिर्दीर्घा चेति हरेः कलाः
उत्कारी मृत्युरप्येता रोद्ध्र्यस्तत्र स्थिताः कालाः
चतस्रेव प्रोक्तास्तु शङ्करस्य कला अथ
इन्दिरा दीपिका चैव रेचिका चैव मोचिका
एतां षोडश संप्रोक्तास्तत्र क्रीडन्ति शक्तयः
शक्तिरुपेण खेलन्ति तत्र विद्याः सहस्रशः
तदर्घ्यममृतं पीत्वा सदा माद्यन्ति शक्तयः
मुहुर्मुहुर्नवनवं मुहुस्चाबद्धसौरभम्
आपूर्यापूर्य सततं तदर्घ्यममृतं महत्
अणिमादिकशक्तीनामर्घ्ययन्ति मदोद्धताः