भवन्ति पुरुषाः प्राज्ञास्तदेव हि रसायनम्
तद्गन्धाघ्राणमात्रेण सिद्धिकान्तापतिर्भवेत्
उभयोः शालयोः पार्श्वे सुधावापीतटद्वये
चतुर्योजनदूरं तु तलं तस्या जलान्तरे
स्वर्णवर्णा रत्नवर्णास्तस्यां हंसाश्च सारसाः
पक्षिणस्तज्जलं पीत्वा रसायनमयं नवम्
सदाकूजितलक्षेण तत्र कारण्डवद्विजाः
परितो वापिकाचक्रपरिवेषणभूयसा
तारा नाम महाशक्तिर्वर्तते तोरणेश्वरी
रत्ननौकासहस्रेण खेलन्त्यो सरसीजले
वीणावेणुमृदङ्गादि वादयन्त्यो मुहुर्मुहुः
मुहुर्गायन्ति नृत्यन्ति देव्याः पुण्यतमं यशः
पिबन्त्यस्तत्सुधातोयं संचरन्त्यस्तरीशतैः
प्रधानभूता तारांबा जलौघशमनक्षमा
त्रिनेत्रस्यापि नो दत्ते वापिकांभसि सन्तरम्
महाराज्ञी महौदार्यं पतन्तीनां पदेपदे
प्रतिनौकं मणिगृहे वसन्तीनां मनोहरे
काश्चिन्नौकाः सुवर्णाढ्याः काश्चिद्रत्नकृता मुने
काश्चित्सिंहासना नावः काश्चिद्दन्तावलाननाः
तारांबामहतीं नौकामधिगम्य विराजते
तन्वाना सततं तारा कक्ष्यामेनां हि रक्षति
बुद्धिशाल इति ख्यातश्चतुर्योजनमुच्छ्रितः
प्रतप्तकनकच्छायं तज्जलत्वेन वर्त्तते
सोपानादिक्रमश्चैव पक्षिणास्तत्र पूर्ववत्
विहरन्ति मदोन्मत्ताः शक्तयो मदपाटलाः
यां सुधामालिनीमाहुर्यामा हुरमृतेश्वरीम्
ईषदालोकमात्रेण त्रैलोक्यमददायिनी
पारिजातप्रसूनस्रक्परिवीतकचाचिता
पक्वं पिशितखण्डं च मणिपात्रे तथान्यके
ददाति वापीतरणं त्रिनेत्रस्यापि नान्यथा