तत्रदेव्यः समस्ताश्च दण्डनाथासमश्रियः
संख्यातीतास्तालवृक्षा नवस्वर्णविचित्रिताः
हेमत्वचो ऽतिसुस्निग्धाः सच्छायाः फलभङ्गुराः
वर्तन्ते दण्डनाथायाः प्रीत्यर्थं शिल्पिभिः कृताः
जृंभिण्याद्याश्चक्रदेव्यो हेतुकाद्याश्च भैरवाः
चतुर्विदिक्षु दण्डिन्या यत्रयत्र महादृशः
उन्मत्तभैरवी चव स्वप्नेशी सर्वतोदिशम्
तत्कक्षातिदवीयस्त्वान्सेवार्थं तत्र तद्गृहः
प्राकारो विद्रुमाकारः प्रातरर्यमपाटलः
तद्वद्विद्रुमसंकाशो ब्रह्मा नलिनविष्टरः
सदा श्रीललितादेव्याः सेवनार्थमतन्द्रितः
चतुर्दशापि विद्यास्ता उपविद्याः सहस्रशः
वर्तन्ते जगतामृद्ध्यै ललिता देवताज्ञया
वर्तते विष्णुलोकस्तु ललितासेवनोत्सुकः
विभिन्नमूर्तिः सततं वर्तते माधवः सदा
दशावतारदेवास्तु ते ऽपि माणिक्यमण्डपे
उपर्याच्छादनामात्रं माणिक्यदृषदां गणैः
भिन्नो द्वादशमूर्त्या च पूर्वाद्याशासुरक्षति
पश्चान्नारायणः शङ्खी नीलजीमूतसंनिभः
गोविन्दो दक्षिणे पार्श्वे धन्वी चन्द्रप्रभो महान्
आग्नेय्यामरविन्दाभो मुसली मधुसूदनः
वायव्यां वामनो वज्री तरुणादित्य दीप्तिमान्
विद्युत्प्रभो हृषीकेशो ह्यवाच्यां दिशि मुद्गरी
माणिक्यमण्डपस्थानमनुलोम्येन वेष्टते
इन्द्रगोपकसंकाशः पाशहस्तो ऽपराजितः
माणिक्यमण्डपस्थानं विलोमेन विवेष्टते
माणिक्यमण्डपगतो विष्णुलोके विराजते
सहस्रस्तम्भकं नाम मण्डपं सुमनोहरम्
नानारत्नकृतश्शालस्तुङ्गस्तत्राभिवर्तते
तादृशाः पङ्क्तयो बह्व्यः स्तम्भानां तु चतुर्दिशम्