अवधवर्ष्यो ऽवर्ष्यश्च मेध्यो विद्युत्य एव च
वास्तव्यो वास्तुपश्चैव सोमश्चेति महाबलाः
रुद्रस्ताम्रारुणः शङ्गस्तथा पशुपतिर्मुने
हन्ता चैव हनीयांश्च वृषश्च हरिकेशकः
पार्यो ऽपार्यः प्रतरणस्तथा चोत्तरणो मुने
चतुर्दशावरणके कथिता रुद्रदेवताः
प्रपथ्यः किंशिलश्चैव क्षयणस्तदनन्तरम्
तल्पयो गेह्य स्तथा काट्यो गह्वरेष्ठोरुदीपकः
हरीत्यलोथा लोप्याश्च उर्य्यसूर्म्यै तथा मुने
अभिघ्ननाशिदुश्चैव प्रखिदन किरिकास्तथा
वर्तते सायुधाः प्राज्ञ नित्यं पञ्चादशावृतौ
विक्षिणत्काविचिन्वत्कास्तथा निर्हतनामकाः
इति षोडशशालेषु स्थितै रुद्रैः सहस्रशः
वर्तते जगतामृद्ध्यै मुक्ताशालेशकोणके
अभक्तांल्लरितादेव्याः प्रत्यूहैर्योजयन्त्यमी
ललितापरमेश्वर्याः सेवामेव वितन्वते
शालोमारकताभिख्यश्चतुर्योजनमुच्छ्रितः
तत्र श्रीदण्डनाथाया दहनादिविदिग्गताः
गीतिचक्ररथेन्द्रस्य याः पर्वाणि समाश्रिताः
सर्वाः स्थल्यो मरकतश्रेणिभिः खचिताः शुभाः
तत्रदेव्यः समस्ताश्च दण्डनाथासमश्रियः
संख्यातीतास्तालवृक्षा नवस्वर्णविचित्रिताः
हेमत्वचो ऽतिसुस्निग्धाः सच्छायाः फलभङ्गुराः
वर्तन्ते दण्डनाथायाः प्रीत्यर्थं शिल्पिभिः कृताः
जृंभिण्याद्याश्चक्रदेव्यो हेतुकाद्याश्च भैरवाः
चतुर्विदिक्षु दण्डिन्या यत्रयत्र महादृशः
उन्मत्तभैरवी चव स्वप्नेशी सर्वतोदिशम्
तत्कक्षातिदवीयस्त्वान्सेवार्थं तत्र तद्गृहः
प्राकारो विद्रुमाकारः प्रातरर्यमपाटलः
तद्वद्विद्रुमसंकाशो ब्रह्मा नलिनविष्टरः