विव्याध्यन्नपतिश्चैव हरिकेशोपवीतिनौ
दशापत्रे त्वावरणे प्रथमो जगतां पतिः
अहं त्वन्यो वनपती रोहितः स्थपतिस्तथा
मन्त्री च वाणिजश्चैव तथा कक्षपतिः परः
ओषधीनां पतिश्चैव षष्ठः कलशसंभव
कृत्स्नवीतश्च धावंश्च सत्त्वानां पतिरेव च
सहमानश्च निर्व्याधिरव्याधीनां पतिस्तथा
निचेरुश्चेति विज्ञेयाः षष्ठावरणदेवताः
जिघांसंतो मुष्णतां च पतयः कुंभसंभव
प्रकृतीनां पतिश्चैव उष्णीषी च गिरेश्चरः
धन्वाविदश्चातन्वानप्रतिपूर्वदधानकाः
विसृजन्तस्तथास्यन्तो विध्यन्तश्चापि सिंधुप
तिष्ठन्तश्चैव धावन्तः सभ्याश्चैव समाधिपाः
विविध्यन्तो गणाध्यक्षा बृहन्तो विन्ध्यमर्द्दन
अथ गृत्साधिपतयो व्राता व्राताधिपास्तथा
महान्तः क्षुल्लकाश्चैव रथिनश्चारथाः परे
क्षत्तारः संग्रही तारस्तक्षाणो रथकारकाः
कर्माराश्चैव पुञ्जिष्ठा निषादाश्चेषुकृद्गणाः
अश्वाश्चैवश्वपतयो भवो रुद्रो घटोद्भव
कपर्दी व्युप्तकेशश्च सहस्रक्षस्तथापरः
मीढुष्टम इति प्रोक्ता रुद्रा दशमशालगाः
बृहंश्च वर्षीयां श्चैव वृद्धः समृद्धिना सह
उर्म्यावस्वन्यरुद्रौ च स्रोतस्यो दिव्य एव च
मध्यमश्चावगम्यश्च जघन्यश्च घटोद्भव
अथ बुध्न्यः सोम्यरुद्रः प्रतिसर्पकयाम्यकौ
वन्यः कक्ष्यः श्रवश्चैव ततो ऽन्यस्तु प्रतिश्रवः
अवभिन्दश्च वर्मी च वरूथी बिल्मिना सह
द्वादशावरणस्थास्ते महाकाया महाबलाः
अन्यस्त्विषुधिमानन्यस्तक्ष्णेषुश्च तथा युधि
काप्यो नाढ्यस्तथा सूधः सरस्यो विन्ध्यमर्दन