रजा विरजसः पुत्रः शतजिद्रजसस्तथा
विश्वज्योतिष्प्रधानास्ते यैरिमा वर्द्धिताः प्रजाः
तेषां वंशप्रसूतैस्तु भुक्तेयं भारती पुरा
ये ऽतीतास्तैर्युगैः सार्धं राजानस्ते तदन्वयाः
एवं स्वायं भुवः सर्गो येनेदं पूरितं जगत्
तेषां सृष्टिरियं प्रोक्ता युगैः सह विवर्त्तते
पप्रच्छ नियतं सूतं पृथिव्युद धिविस्तरम्
कियन्ति चैव वर्षाणि तेषु नद्यश्च काः स्मृताः
एतत्प्रबूहि नः सर्वं विस्तरेण यथार्थतः
हन्त वो ऽहं प्रवक्ष्यामि पृथिव्यायामविस्तरम्
द्वीपभेदसहस्राणि सप्तस्वन्तर्गतानि च
सप्त द्वीपान्प्रवक्ष्यामि चन्द्रादित्यग्रहैः सह
अचिन्त्याः खलु ये भावा न तांस्तर्केण साधयेत्
नववर्षं प्रवक्ष्यामि जंबूद्वीपं यथातथम्
शतमेकं सहस्राणां योजनाग्रात्समन्ततः
सिद्धचारणसंकीणः पर्वतैरुपशोभितः
पर्वतप्रभवाभिश्च नदीभिः सर्वतस्ततः
नवभिश्चावृतः सर्वो भुवनैर्भूतभावनैः
जंबूद्वीपस्य विस्तारात् समेन तु समन्ततः
अवगाढा ह्युभयतः मसुद्रौ पूर्वपश्चिमौ
सर्वर्त्तुषु सुखश्चापि निषधः पर्वतो महान्
द्वात्रिंशच्च सहस्राणि विस्तीर्णः स च मूर्द्धनि
नानावर्णास्तु पार्श्वेषु प्रजापतिगुणान्वितः
पूर्वतर्ः श्वेतवर्णश्च ब्राह्मणस्तस्य तेन तत्
तेनास्य क्षत्त्रभावस्तु मेरोर्नानार्थकारणात्
भृङ्गपत्रनिभश्चापि पश्चिमेन समाचितः
वृत्तः स्वभावतः प्रोक्तो वर्णतः परिमाणतः
मयुरबर्हवर्णस्तु शातकैंभश्च शृङ्गवान्
तेषामन्तरविष्कंभो नवसाहस्र उच्यते
नवैवं तु सहस्राणि विस्तीर्णं सर्वतस्तु तत्